Studente vas oor ‘dwelmsindikaat’ in koshuis

Daar is ʼn reusehoeveelheid dwelms, vuurwapens, dwelmvervaardigingstoerusting, gesteelde elektroniese ware, selfone en identiteitsdokumente in een van die kampus se koshuiskamers aangetref. Foto: ANA.

Vyf studente van die Walter Sisulu Universiteit (WSU) in Mthatha in Oos-Londen is by een van die universiteit se persele in hegtenis geneem ná die instelling se bestuur bewus geword het van vermoedelike dwelmvervaardiging en -verspreidingsaktiwiteite.

Die vyf studente wat na bewering deel is van ʼn dwelmvervaardigingsindikaat is in hegtenis geneem ná ʼn klopjag deur ʼn veiligheidstaakspan.

Die inhegtenisnemings het verlede week by die instelling se Zamukulungisa-perseel plaasgevind.

Klagtes van diefstal, besit van dwelms met die doel om te versprei en dwelmhandel is teen die verdagtes aanhangig gemaak ná die inhegtenisnemings.

Die klopjag is uitgevoer na maande se ondersoek en ʼn wenk. Daar is ʼn reusehoeveelheid dwelms, vuurwapens, dwelmvervaardigingstoerusting, gesteelde elektroniese ware, selfone en identiteitsdokumente in een van die kampus se koshuiskamers aangetref.

Prof. Rob Midgley, visekanselier en prinsipaal van WSU, wat die taakspan in Maart op die been gebring het, het gesê alles dui daarop dat dié ʼn gesofistikeerde en goedbestuurde operasie was wat “al lank ons perseel gebruik het om die dwelms te versprei”.

Midgley het benadruk dat die kultuur van misdaad en geweld by die universiteit ʼn sistematiese en diepgewortelde uitdaging is wat vererger word deur kwessies soos oorbevolking, nie genoegsame kampusbeheer nie en die ondoeltreffende beveiliging van die kampusse.

Volgens hom het die universiteit onlangs noodsaaklike ingrypings gedoen om veiligheid op kampus te verbeter.

“Die tyd vir die konseptualisering van planne en strategieë om misdadigheid op kampus te beveg is verby. Ons moet nou ʼn daadwerklike poging aanwend om misdaad aktief te beveg en nie meer tyd mors op planne en strategieë nie,” het Midgley gesê.

Hy het ook aangedui dat die universiteit interne dissiplinêre stappe sal neem teen die studente wanneer die universiteit al die inligting tot sy beskikking het.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

24 Kommentare

jongste oudste gewildste
Alida

Wat kan mens verwag. Hulle is nie daar om te studeer nie. Gratis bly plek en kos. Hoekom nou met boeke sukkel.

Petrus

Students wat dwelms vervaardig en verkoop op kampus is ‘n voorbeeld van hoe ons land se jeug en ekononmie verwaardeloos. Diesulkes gooi klip, verbrand motors, baklei met plakkate teen onderwys, kla oor klasgelde en gil rassisme vir alles wat nie swart is nie. Hulle eis verhogings en gratis onderwys, terwyl hulle die ekonomie verbrand en verwoes met stakings on onrus. Regtig, wanneer gaan die sirkus en blatante rassisme en luiheid van die mense stopgesit word deur ‘n regering met rugraat wat die toekoms van SA as proiriteit sien en nie kwaadwillige opstokery teen wit, bruin en baie swartmense nie?

Theresa B

Daar slaan jy die spyker op sy kop Alida. Net so!!

Ruby

En studeer natuurlik met hardverdiende beurse!

Ilse

Ja, en ek wonder as die polisie/veiligheidstaakspan nie ‘n wenk gekry het nie of die “studente” ooit uitgevang sou gewees het?