Suid-Afrika in werklike finansiële krisis, sê VF Plus

geld-finansies-spaar-begroting-belegging-deur-stevepb-op-pixabay

Foto: Stevepb/Pixabay.com

Die VF Plus het gesê Suid-Afrika sit in ʼn wesenlike finansiële krisis en alhoewel die mediumtermyn-begrotingsraamwerk ʼn belangrike geleentheid is om te herprioritiseer om huidige krisisse te takel, sal dit niks doen aan die ware probleem van beleidsonsekerheid wat die maaksel van die ANC-regering is nie.

Van die probleme wat dadelik aandag sal moet kry, is die knellende droogte en toenemende waterskaarste in die land waar geld nodig is vir infrastruktuur soos damme en reservoirs, het Wouter Wessels, VF Plus-LP, gesê. Geld is ook nodig vir hulp aan landbouers in droogte-rampgebiede.

“Openbare ondernemings plaas ʼn groot en onnodige las op die fiskus. Dié ondernemings is tans net swart gate waarin belastinggeld sonder enige sigbare voordeel of verbetering verdwyn. Die omkeerplan wat minister Pravin Gordhan vandag vir Eskom aangekondig het, sal geen onmiddellik effek op die huidige krisis hê nie. Die uitstaande skuld aan Eskom sal nie oornag betaal kan word nie aangesien munisipaliteite bankrot is,” het Wessels bygevoeg.

Daar is geen ander oplossing as om Eskom te privatiseer en te dereguleer om sodoende toe te sien dat markkragte kan meewerk tot gesonde kompetisie en kragvoorsiening nie.

“Beide die ministers van openbare ondernemings en finansies word gyselaar gehou deur hul party se ideologie, alliansievennote en vakbonde wat weier om in te stem tot ongewilde besluite wat geneem moet word om herstel te bewerkstellig. Hierdie besluite behels onder meer die staat se salarisrekening, die aflegging van oorbodige personeel en ʼn moratorium op salarisverhogings asook privatisering en deregulering,” het hy gesê.

“Die mag van die vakbonde oor die regering en die uitwerking daarvan op die ekonomie hou die hele Suid-Afrika gyselaar. Daar is ʼn werklike rigtingverandering nodig om aan hierdie doodloopstraat te ontsnap en die begrotingsraamwerk is die geleentheid om hierdie koersverandering teweeg te bring.”

Wessels meen dit is duidelik dat die minister min beweegruimte het om die begroting te balanseer. Dit raak ook duidelik dat daar ʼn stewige tekort aan belasting-inkomste gaan wees.

“Groot ondernemings het bloot nie genoeg vertroue in Suid-Afrika om te belê om sodoende die belastingbasis te verbreed nie. Hierdie gebrek aan vertroue kan net deur beleidsekerheid herstel word en die ANC is duidelik nie in staat om dit te bewerkstellig nie.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

11 Kommentare

jongste oudste gewildste
Ben

En almal is nou moeg gesukkel! Weet nie eers meer waar om te begin om alles uit te sort nie.

Light Emitting Diode

Politieke stemkopery hou miljoene mense se ligte aan, Eskom kan mos n reddingsboei van belastingbetalersgeld kry. Die ANC weet nie hoe hulle hierdie situasie gaan verander nie, want dit is onvolhoubaar! Maar dit lyk nie of dit eintlik saak maak nie.

Duncan

Die korrupte ANC regering met Zuma aan die spits en sy kaders het SA in die afgrond bestuur en nou sit ons in `n ernstige finansiele krisis waaruit ons nie sal kom nie. SA is die land met die meeste ministers/adjunk ministers, die meeste staatsamptenare wat groot salarisse kry vir niks doen en geen dienste lewer nie. Die werkloosheid koers van bykans 30% (in totaal amper 24miljoen mense wat nie werk het nie), die swak onderwysstelsel (verbeel jou ons kinders slaag matriek met net `n vereiste 30%), `n arbeidsmag met min vaardighede, Staatskuld van bykans 60% van die GDP, bykans… Lees meer »

susan

Vertel ons ietsie wat ons nie lankal weet nie

humor

Totaal verblind deur kul kommnistiese ideologie tesame met die versekering dat die belastingbetalers magteloos in hul mag is om ekonomies die wa deur die drif te trek.