Sunette Bridges mobiliseer gemeenskappe wêreldwyd vir ‘Red October’

Sunette Bridges

Sunette Bridges

Die sangeres Sunette Bridges het besluit om op 10 Oktober ʼn internasionale massa-optrede van stapel te stuur om bewusmaking te skep. “Red October” is ʼn nie-regeringsorganisasie wat deur Bridges gestig is.

“Red October is infrastruktuur wat ek geskep het en beskikbaar stel aan almal,” het Bridges Vrydag aan Maroela Media gesê. “Dit is ʼn sigbare bewusmakingsveldtog waaraan enigiemand kan deelneem om op te staan teen plaasmoorde, korrupsie asook die vertrapping van Afrikaners en enige minderheidgroep se regte.”

Sy sê soos die son op 10 Oktober in die ooste gaan opkom, skop die eerste aksies in Australië en Nieu-Seeland af, waarna aksies in Europa en Suid-Afrika afskop en uiteindelik in die VSA eindig.

“In Suid-Afrika is daar baie gemeenskappe wat gesê het hulle gaan op dié dag deelneem. Hulle kom in hul onderskeie dorpe bymekaar, ʼn plaaslike predikant open die verrigtinge en dan vergader hulle byvoorbeeld met die polisie om planne te beraam om misdaad hok te slaan. Dit is ʼn geleentheid vir hulle om alles wat hulle pla met gemeenskapsleiers en polisie te deel en ʼn oplossing daarvoor te soek. Die Middelburg-gemeenskap in Mpumalanga skop hulle verrigting met ʼn lekker braai af, sodat die inwoners mekaar kan leer ken,” hy sy bygevoeg.

Die twee grootste optredes in Suid-Afrika sal in Pretoria en Kaapstad plaasvind. “In Pretoria gaan ons by die Kunsmuseum bymekaar kom en ʼn vreedsame optog hou tot by die Uniegeboue, waar ʼn memorandum aan die regering oorhandig gaan word. Die memorandum bevat voorbeelde van hoe minderhede se grondwetlike regte onreg aangedoen word. Na die oorhandiging gaan ons ʼn 1-minuut stilte hou vir almal wat in ons land vermoor is, waarna ons duisende rooi ballonne die lug in gaan stuur.”

Volgens Bridges verwag die organisasie sowat 5 000 mense in Pretoria. Groepe wat reeds die veldtog ondersteun is onder andere die Transvaalse Landbou Unie, die Verkenners en Boere Krisis Aksie. Steve Hofmeyr gaan ook daar wees en voor die optog ʼn toespraak lewer.

“Enigiemand kan kom saamstap, van dié wat nie werk kry nie omdat hulle wit is, tot dié wat al geliefdes aan die dood moes afstaan weens geweld in die land,” het sy gesê.

In Kaapstad gaan die deelnemers ʼn memorandum by die parlement inhandig.

“Ons versoek in die memorandums dat ons ʼn rondetafelgesprek met alle rolspelers wil hou om ál die kwessies wat in die memorandum vervat is, aan te spreek en oplossings daarvoor te soek.”

Sy sê video’s gaan by die geleenthede regoor die wêreld geneem word, waarna ʼn protesvideo saamgestel gaan word en vir bewusmaking die wêreld ingestuur gaan word.

“Ons gaan met dié video en met ons memorandums aanhoudend druk op die regering plaas totdat hulle aksie neem,” het Bridges gesê.

Besoek http://www.redoctober.co.za vir meer inligting.

 

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

35 Kommentare

jongste oudste gewildste
Mariette Hammann

Baie dankie aan Sunette Bridges. Ons almal weet dis nie ‘n maklike pad om te stap nie, aangesien elkeen wat wil veg vir die regte van sy eie mense as ‘n rassis gebrandmerk word. Ek is seker al die families en vriende van die slagoffers stel hierdie gebaar van haar en almal wat die Red October veldtog ondersteun, hoog op prys.

Jasper

Sterkte met die poging.
Enige blanke in Suid Afrika wat nog nie bewus is wat aangaan nie leef in n droomwêreld

Annemaré Nortier vd Merwe

O so trots op onse Sunette.

Lorna Smith

Dankie Sunette maar op die artikel lyk dit asof dit net in Pretoria is – die mense moet weet dat almal welkom is en die stede wys waar dit gaan plaasvind. ons moet daar wees

SUSAN MULLER

BAIE DANKIE SUNETTE…….JY IS ‘N YSTERVROU!!!