SuperSport-ondersoek: Publiek gevra vir insette

‘n Skermskoot uit die video van die voorval toe Ashwin Willemse tydens ‘n regstreekse uitsending van die Supersport-stel af gestap het.

Die Suid-Afrikaanse Menseregtekommissie (MRK) het ʼn beroep op voormalige en huidige werknemers en kontrakteurs van SuperSport gedoen om voorleggings aan die kommissie te stuur rakende beweerde rassisme by die uitsaaier.

Dié voorleggings sal deel uitmaak van die kommissie se intensiewe ondersoek na bewerings van rassisme en viktimisering by SuperSport.

Die kwessie het in Mei verlede jaar vir die eerste keer in die kollig gekom nadat Ashwin Willemse, voormalige SuperSport-spelontleder, tydens ʼn regstreekse uitsending van die SuperSport-stel afgestap het ná ʼn woordewisseling met Nick Mallet en Naas Botha.

Willemse het in dié voorval gesê hy sal nie verkleineer word “deur twee individue wat in apartheid, ʼn gesegregeerde era, gespeel het” nie.

SuperSport het ná die voorval adv. Vincent Maleka SC aangestel om ʼn onafhanklike ondersoek te doen na die oorsaak van dié uitsprake en die rede vir Willemse se uitbarsting.

In Junie het Maleka sy ondersoekverslag uitgereik waarin hy bevind het daar was geen “openlike rassisme” aan Botha en Mallett se kant nie. Hy het ook bevind daar was nie subtiele rassisme wat aanleiding tot Willemse se gedrag kon gee nie.

Die ondersoek het bevind daar was twee faktore wat ʼn logiese verduideliking vir die voorval bied. Die eerste faktor was die tegniese fout wat tot gevolg gehad het dat al die kommentators nie ʼn spreekbeurt gekry het nie en die tweede een dat Willemse Botha en Mallett as neerhalend beskou het toe hulle aangedring het hy moet eerste praat.

“Ná ʼn deeglike assessering van die onafhanklike verslag en in die lig van mediaberigte en onderhoude waarin SuperSport van rassisme en viktimisering beskuldig is, het die kommissie besluit dat hy wel sy eie ondersoek na die bewerings sal doen.

“Die kommissie het besluit dit is gepas en in die openbare belang om die omvang van die bewerings van rassediskriminasie by SuperSport, wat buite die omvang van Maleka se ondersoek val, te ondersoek,” sê die MRK in ʼn verklaring.

“Voormalige en huidige werknemers en onafhanklike kontrakteurs by SuperSport en ander belanghebbendes word versoek om geskrewe insette aan die kommissie te stuur sodat al die kwessies wat deel van die ondersoek uitmaak volledig hanteer kan word.”

Voorleggings moet die kommissie teen 31 Mei 2019 bereik. Dit kan per e-pos gestuur word aan [email protected] of per faks na 086 410 0149.

Die eerste sitting van die kommissie van ondersoek sal op 20 en 22 Maart by die Apartheidmuseum plaasvind.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

52 Kommentare

jongste oudste gewildste
Jacques Coetzee

Is die ondersoek nog steeds nie afgehandel nie ? Jan Publiek het lankal al sy uitspraak gelewer en vergeet van die insident.Maar daar sal nog baie soortgelyke insidente in die toekoms voorkom en solank as wat die MRK in beheer is van sake sal ons nie ons asem ophou oor moontlike uitkomste in die toekoms nie.

Koos B

Ashwin se R50000000-00 BEE geld is seker klaar nou wil sy vriende hom help omnog ‘n paar rand verniet tekry.

Wdp

Smaak my hulle sukkel om bewyse van rasisme teen naas en mallet te kry

IK

Die molshoop moét ‘n berg word.

Leeu

Ek wag nogsteeds vir rassis Mmusi om verskoning te Tweet.