Susters tronk toe oor moord

Argieffoto

Argieffoto

Twee susters van KwaZulu-Natal is tot tronkstraf gevonnis nadat een van hulle ʼn huurmoordenaar gekry het om die ander suster se man te vermoor.

Kol. Jay Naicker, woordvoerder van die polisie, het gesê Smnagele Ndlovu (39) is tot 15 jaar tronkstraf gevonnis terwyl haar suster Thabile Vilakazi (44) tot 20 jaar tronkstraf gevonnis is. Vilakazi het die huurmoordenaar gereël.

Mduduzi Njoko (42) is in Januarie 2012 by sy huis in Umlazi vermoor. Ndlovu het glo vermoed dat Njoko ʼn verhouding met ʼn ander vrou gehad het en moontlik ook met haar wou trou.

Die huurmoordenaar het ʼn staatsgetuie geword. Dit is nie duidelik of hy al gevonnis is nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae