Swanger vrou se verkragter gevonnis

Argieffoto

Argieffoto

ʼn Man wat skuldig bevind is aan die brutale verkragting van ʼn hoogswanger vrou is in die Ladybrand-streekshof in die Vrystaat gevonnis.

Ramakone Tsoeu, ʼn burger van Lesotho, is tot lewenslange tronkstraf gevonnis. Die slagoffer, ʼn 22-jarige vrou, het op 6 Augustus 2015 huis toe gestap in Lipelaneng, naby Hobhouse, toe sy aangeval is.

Tsoeu het ʼn ent saam met die vrou gestap voordat hy haar met geweld na ʼn nabygeleë steengroef gesleep en verkrag het. Tsoeu het sy slagoffer hierna aan ʼn boom vasgebind en gevlug. Die vrou kon later daarin slaag om haarself te bevry waarna ʼn saak by die Hobhouse-polisiestasie aanhangig gemaak is.

Tsoeu is ʼn paar dae ná die voorval in hegtenis geneem. DNS-toetse het hom positief aan die verkragting verbind. Lt.genl. Thabethe Mpembe, provinsiale polisiekommissaris, het die vonnis verwelkom en gesê misdadigers wat vroue en kinders mishandel “sal tronk toe gestuur word waar hulle hoort”.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

Het jy iets op die hart? Maroela Media se kommentaarfunksie word ongelukkig tydelik gesluit tussen 22:00 en 06:00 op Vrydagaande, Saterdae, Sondae en Maandagoggende.

Jy kan steeds op Maroela Media se Facebook-blad en ander sosiale media saamgesels. Nuuswenke kan deur hierdie vorm gestuur word.

2 Kommentare

Liewe Heksie ·

Waar is die span wat die ondersoek gedoen het Kom haal ons boere moordenaars uit ?

Theresa ·

Goed gedoen ondersoekspan! Stem saam met Liewe Heksie. Lewenslank vir dié daad is eintlik te kort.

Het jy iets op die hart? Maroela Media se kommentaarfunksie word ongelukkig tydelik gesluit tussen 22:00 en 06:00 op Vrydagaande, Saterdae, Sondae en Maandagoggende.

Jy kan steeds op Maroela Media se Facebook-blad en ander sosiale media saamgesels. Nuuswenke kan deur hierdie vorm gestuur word.