Swanger vrou val uit bewegende ambulans

Argieffoto

Argieffoto

ʼn Swanger vrou is beseer en haar baba is doodgebore nadat sy in die Oos-Kaap uit ʼn bewegende ambulans geval het.

“Ons het die betrokke twee beamptes geskors,” het Sizwe Kupelo, ʼn woordvoerder van die Oos-Kaapse departement van gesondheid, Donderdag gesê.

Die vrou het in Ntabankulu, naby Mount Frere, uit die ambulans geval.

“Die beamptes het die pasiënt alleen agter in die ambulans gelaai en albei voor gesit,” het hy gesê. “Die deur van die ambulans het oopgegaan en die pasiënt het uitgeval. Hulle het eers ontdek die pasiënt word vermis toe hulle by die hospitaal aangekom het.”

ʼn Motoris het die vrou intussen opgelaai en na die hospitaal gehaas.

“Ons doen die nodige stappe teen die beamptes. Hulle het nalatig opgetree deur die pasiënt sonder toesig te laat en daarom is hulle geskors. Hulle het ook ʼn pasiënt se lewe in gevaar gestel en protokol verontagsaam.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

10 Kommentare

jongste oudste gewildste
Wonder net....

Hulle het ‘n pasient se lewe in gevaar gestel? Daar was 2 pasiente waarvan hulle die een se dood veroorsaak het!

snip

geskors? of betalende vakansie?

Etelle

Hulle het nalatig opgetree? Wat van die baba wa dood is? Ruk hulle uit hulle onderklere uit!

Waks

Sal wee eeue at voor die vrou vergoeding kry en niks sal daai baba wat sy nege maande gedra het terug bring nie. Dit is skokkend klink my hulle was bang vir die pasient kan altwee wragtag voor sit en seke nog nonsens ook praat.

Jeanni

Dis verskriklik!!!