Sy verdien meer as die president

Philisiwe Mthethwa, uitvoerende hoof van die Nasionale Bemagtigingsfonds (NBF) (Foto: NBF)

Die Demokratiese Alliansie het gesê Philisiwe Mthethwa, uitvoerende hoof van die Nasionale Bemagtigingsfonds (NBF), is waarskynlik die hoogs betaalde staatsdiensamptenaar.

Mthethwa het tydens die vorige finansiële jaar ʼn gekombineerde salarispakket van meer as R6 miljoen ontvang. “Dit is R2 miljoen meer as wat pres. Cyril Ramaphosa verdien,” het Dean Macpherson, DA-LP en skaduminister van handel en nywerheid, gesê.

Sy is al ʼn paar jaar lank die “hoogs betaalde staatsdiensamptenaar” en haar pakket sluit ʼn bonus van R2 miljoen in. “Haar massiewe salaris is skokkend, gegewe die feit dat die NBF baie min geld het om sy werk te doen en dat die entiteit nie veel kan wys vir die uitvoerende hoof se buitensporige salaris nie.

“Die NBF is in 1998 op die been gebring om kapitale finansiering te verskaf aan swart entrepreneurs en terwyl hul aanvanklike werk suksesse getoon het ná hulle finansiering van die regering ontvang het, het herhaaldelike begrotingsbesnoeiings die organisasie sonder finansiering gelaat, buiten om hul oorbetaalde uitvoerende lede te finansier teen ʼn gekombineerde totaal van meer as R17 miljoen – wat almal bonusse verdien van tussen R580 000 en R1,2 miljoen.”

Macpherson het gesê dit is duidelik dat daar talle staatsentiteite is wat nie eintlik ʼn doel dien buiten om die leefstyl van hoogs betaalde uitvoerende lede te finansier nie.

“Die tyd van praat is nou verby. Ons kan nie geld spandeer om die leefstyl van staatsamptenare te finansier ten koste van entrepreneurs wat desperaat is om hul ondernemings te vergroot en werk te skep nie.”

Hy het gesê die party sal met Ebrahim Patel, minister van handel en nywerheid, in gesprek tree om te hoor wanneer die NBF by die Industrial Development Corporation (IDC), ‘n staatsbeheerde finansierder, ingesluit sal word sodat die “belange van klein ondernemings eerste gestel kan word”.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

57 Kommentare

Dan ·

Wanneer begin helen zille met haar belastingtrughou aksie… Dis al wat vir die looters gaan werk

Anda le Roux ·

Ek slaan net my hande in ongeloof saam! Het nooit kon dink dat soveel gierigheid ‘n land so kan verlam nie. Nooit gedink mens kan ‘n land se geldbron so uitput, terwyl jy sonder wroeging met jou eie oë die verwoesting aanskou nie. Nooit gedink dis moontlik nie. Maar ek weet een ding verseker: Daar is ‘n dag van afrekening. Ek sidder om daaraan te dink..

Jimmy ·

Sodra Moodys die land finaal afgradeer gaan die poppe begin dans. Dan sal selfs die ANC agterkom die geld is op.

J ·

Wet enige iemand, betaal nie eers vir krag en water nie, sy is nie enigste nie, klomp amptenare wat absoluut zero kan wys wat hulle doen maar vet salarrise huis toe vat, waar is vakbonde en EEF en BLF se grootbekke nou? Hoekom nie daaroor te kere gaan nie

Gert van Wierdapark ·

Wat het brandewyn en die Soustrein in gemeen? Nie een het “brieke” as dit eers die loop gevat het nie! Ons in SA “verdien” beter!!!

Sam Brookes ·

R1 vir bekwaamheid en die res vir iets wat sy doen waaroor niemand iets weet nie? Wie se vingers is in haar pastei?

Johan ·

Verdien se agterend… wanneer sal julle ophou om die woord “verdien” so kwistig te gebruik as daar “kry” bedoel word ?????

Jerry B ·

Hulle veg kamstig vir die armes. Rubbish hulle sal nie n sent deel met plakkers nie. Hulle bly maar Diktators, gaan nie in 800 jaar verander nie.

PBJ ·

Dit is beslis belaglik. Hoekom is daar nou eers navrae oor die ondoeltreffendheid van die NBF en die amptenare se buitensporige salarisse?????

Hansie slim ·

Dis seker die beste wat ek gehoor het.. Soustrein kamakazi pilot

Piet parys ·

Oorbetaal . Oorgewig onverdiende hoè salarisse van staatsamptenare en ek en jy sorg vir hulle . So wie het haar op daai salaris skaal gesit ????

Jack Sadie ·

Elke liewe dag hoor ek nog meer ongelooflike stories van voorheen onbekende staatsdepartemente, kamma departemente, nuttelose departemente en siek, nee, verrotte korrupte kaders. En wragtig, dan is daar nog intelligente mense wat hul vertroue in CR, PG en Tito stel.
Mense, hulle was daar in die regering vanaf dag een!

Rynette ·

Geen wonder, Regering gaan lekker aan met hulle elle lange vingers en eish en dan wonder hulle hoekom is die staatskas bankrot???? Blerrie Skande

Wynand ·

Wie bepaal of beheer hierdie salarisse en Bonusse? Of is dit ‘n geval van hier is ‘n paar miljoentjies, Kry‘n paar vriende en verdeel soos julle lus is! Moet net nie jou huis opknap nie anders is dit netnou 2e nkandla. Verhoog net jou salaris en bonus totdat jy genoeg het Dan is dit veiling en kan niemand niks sê nie. Ek soek ook my eie staatsdepartementjie waar ek my eie paketjie kan bepaal want dan is alles wettig.
Wat is die verskil tussen so-‘n pakket en Nkandla se geld wat terugbetaal moet world?
Dis openlike diefstal van belastingeld wat net gevat word want dit val binne hul selfbepaalde juridiksie .
Net nog ‘n manier van dieANC van selfverreiking van Kaders.
Is daar enige prestasievoorwaardes hoegenaamd???

Al ·

Ek is bly die DA het dit aangespreek. Ek dink ons opgeblaasde staatsdiens kan sonder daardie BNF ens. Klaarkom!
Mens kan sien die soustrein is behoorlik vetterig ten koste van vuisvoos belastingbetalers.

SA HAt ·

“Politics”
“Poli-” means a lot
“-tics” are blood sucking insects

Foxi ·

Goeie genugtig, wat maak en doen sy met soveel geld? Duisende werklose mense kripeer van die ellende. Wat n skande man! Kyk hoe drilllll die vet om daardie nek. Pfttt!

Francois ·

Lekker op die gravy train, ek sal graag wil weet hoeveel ure bring sy elke dag op kantoor deur, seker nie baie NIE want dit vat tyd om so baie geld te kan uit gee.

San ·

Ek is nou redelik keelvol vir al die korrupsie. Maak alles toe wat nie positief tot die ekonomie bydra nie. Begin sommer by die NBF en daarna SAL ens.

Gert van Wierdapark ·

Die Soustrein kan gesien word as deel van die ekonomiese destabilisering van die land. Dit grens aan ekonomiese sabotasie!

Kospakkie ·

Ha ha waar kom die mense vandaan? Dis nie snaaks nie. Maar dat politicians hulle self skaamteloos kan verryk verbyster n mens. Alles wat hulle aanraak hou op werk. Maar salarisse kry hulle nogsteeds en boonop bonusse. Net so wel mens moet probeer beskaaf wees met ons kommentaa r.

Db ·

Johan verduidelik hoe gaan ons dit regkry. Die werkgewer se salariskantoor trek die belasting af. Hoe gaan ons hulle dwing om dit nie meer te doen nie. Hierdie wesens het ons aan die keel beet en druk elke dag net bietjie harder.

EO ·

Wat presies doen sy in die NBF??? Uitvoerende hoof, maar weet sy waaroor dit gaan en wat haar pos behels??

Carel ·

Op n paar rand na is haar per dag inkomste gelyk aan my maandelikse pensioen.

Willa ·

Skokkend.Die regering wil ons nog meer melk wat alreeds niks meer oor het nie.Ons het elke sent regverdig verdien.Ek sal graag wil weet wie het haar aangestel op die salaris.Dit is weer n familie lid of so iets.Daar is geen pos in die wêreld waar jy dit as n salaris trekker kan regverdig nie.Jy kan 4 gekwalifiseerde mense in haar plek aanstel vir minder as n kwart wat sy kry.Sal ook graag wil weet wat sy doen met haar 9 ure of 3 ure werkstyd per dag.Die soustrein moet van die spoor afgehaal word.

Naas ·

Ek stel voor haar vergoeding word aangepas na een-tiende van wat sy nou ontvang. Dit sal nader wees aan wat sy vir SA beteken.

Johann ·

Naas ek is bereid om ‘n weddenskap aan te gaan dat hierdie vrou nie ‘n sent meer werd is as die minimum loon van R3500 per maand nie.

A ·

Sy het nog nie een dag gewerk vir daai geld nie. Al wat sy sit en doen by die “werk” is te sit en eet op die belastingbetalers se geld

Lee ·

Genade tog watse werk lewer jy wat jou in staat stel om ‘n bonus te kry van 2miljoen!!!!!!

jakes ·

Vrot van bo na onder. En dan vra die president nog vir beleggings? Hulle almal hoort in die tronk en begin sommer by die president en sy maters. Wat n skande!!

Reec ·

Dit is eintelik hartseer as jy daaraan dink. Meeste van die mense doen sweet blou bogerol en verdien sulke massiewe salarisse. Dan moet ons hoor Saldanha staal gaan toe maak, die werkloosheid syfer skiet die hoogtes in, Eskom is problematies, dit maak my vies dat mense soos ons wat hard werk vir wat ons het so moet sukkel in die land, en mense soos die lewe so hoog. ek meen 2 mil bonus, gee vir plek soos eskom of saldanha staal die geld dat mense hulle werke kan behou, dat hulle kos op die tafel kan sit! belaglik om die minste te se

Frans C ·

Oplettende mense sou teen hierdie tyd al agtergekom het wat die volgorde van belangrikheid in Suid Afrika is.1.Die eenheid van die ANC ten alle koste.2.Hou belangrike
faksies en leiers ( Zuma,ACE,vakbonde-laat toe dat hul,hul eie ding doen )aan jou kant om (1) te bewerkstellig.Verplaas maar ontslaan nie.Offer ‘n paar pione op om te wys jy is ernstig oor korrupsie.3.As daar nog tyd en geld is Suid Afrika en sy mense,deur soveel swak HOP-huise te bou as wat jy kan bekostig.4 Doen soveel as wat jy kan ‘window dressing’ en oorreed beleggers om dit wat jy die afgelope 25 jaar opgemors het weer deur beleggings te herstel tot op die vlak wat dit was voordat jy dit opgemors het.(Eskom ens)

Hoekom het ek die storie al van te vore in ‘n boek gelees?

Attie. ·

So gaan belastinggeld die riool in, ons sien darem al die ogies van die krok en ons weet wat met Mabalel gebeur het. Indien ons wil ophou belasting betaal dan moet ons ophou petrol gebruik, ons moet ophou Btw betaal en ons moet ophou lewe. Ons kan darem ons persoonlike belasting hier en daar so stadig as moontlik betaal, die ous wat vir hulself werk. Die res kan maar net kyk hoe ons dieper die moeras ingetrek word.

Nee regtig!! ·

Daar is nie geld vir bonuse vir verpleegsters nie… maar kyk wat kry die een!! Dis ‘n skande, sekeres word nou maar net ingeprop en die res … jammer om van julle probleem te hoor!!

Roelf ·

WAT N LEKKER LEWE OP GELD WAARVOOR JY NIE WERK NIE – DIT IS DIEFSTAL WAT RAMAPOSA OOK MAAR NET TOE LAAT – DAAR SAL GEEN REAKSIE VAN SY KANT WEES NIE – MAAK HAAR PRESIDENT – SY VERDIEN MINDER

Johan Schoeman ·

Wag n bietjie. Is hierdie vrou nie familie van minister Mthethwa nie? Als is net te dik vir n daler.

A Mac ·

Ja, en daar bemagtig sy haar self die rekordboeke in!! Sy het geskep en goed geskep. Wonder hoeveel van daardie geld is nog oor?

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.