Sypaadjie-groentetuin: ‘Dis nie sy grond,’ sê metropolisie

Joe Nkuna se groentetuin op die sypaadjie voor sy huis. (Foto: Facebook)

Die Tshwane-metropolisie (TMPD) het sy besluit verdedig om ’n inwoner van Theresapark in die noorde van Pretoria te beboet oor ’n groentetuin op die sypaadjie voor sy huis.

Joe Nkuna is met R1 500 beboet oor die groentetuin aangesien hy volgens die metropolisie ’n munisipale verordening verontagsaam het.

Volgens supt. Isaac Mahamba, TMPD-woordvoerder, is ’n klagte verlede week ontvang oor die groentetuin op die sypaadjie, waarna TMPD-beamptes Nkuna se huis besoek het omdat hy ’n openbare padreserwe gebruik om groente te plant.

Nkuna het ’n mondelinge waarskuwing gekry en is versoek om aan die nodige regulasies te voldoen. Hy het nie daarop gereageer nie, waarna hy die boete opgelê is omdat hy ’n sypaadjie versper wat vir voetgangers gereserveer is.

“Nkuna besit nie die grond nie en kan nie net besluit om dit vir landboudoeleindes te gebruik nie. Dit is openbare grond waartoe alle inwoners toegang moet hê en hulle regte moet ook beskerm word.”

Volgens Mahamba het die TMPD aan Nkuna benadruk hoekom sy optrede problematies is. “Wat verder ook kommerwekkend is, is dat Nkuna in Facebook-plasings gespog het dat hy grond gryp. Hy het ook aan die media gesê dat hy die groente skenk, maar tog dui sy sosialemedia-inskrywings daarop dat hy dit ook verkoop.”

Nkuna het tot Oktober om die boete te betaal. Indien hy dit nie doen nie, sal ’n datum vasgestel word wanneer hy in die hof moet verskyn waar hy die boete kan betwis.

“Die Tshwane-metro het ’n formele beleid waarvolgens inwoners wat openbare ruimtes wil verfraai, aansoek kan doen by ons omgewingsafdeling wat hul aansoek kan evalueer om vas te stel of die geïdentifiseerde grond geskik is. Dit is teleurstellend dat Nkuna dit nie gedoen het nie.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

96 Kommentare

jongste oudste gewildste
Toetie

MAW dan moet die Metro moes die sypadjies ook onderhou en die eienaar of huurder van die huis of perseel nie????

Misky

Dis lagwekkend!!!! Hoe wonderlik sal dit nie wees as almal groente en vrugte op hul sypaadjies plant en hawelose mense so kan help nie. En as dit struike of blomme was, sou dit steeds ‘n probleem gewees het? Ek weet van menigte erwe waar die sypaadjies heeltemal toe en oorgroei is

Pieter

Daai is plante- Is al wat ek sal se. Useless.

Andre

Dit is seker vir voetgangers moeilik, maar nêrens wil dit voorkom asof die metro sypaadjies instand hou nie. Met al die covid regulasies is die een maklik om te glo, hy werk seker nog met ooppunt skoene ook daar.

Pieter

Die grond op die sypaadjie behoort nie aan jou nie, maar jy moet dit netjies en in stand hou? Is dit dan nie die munisipaliteit se plig om die gras op die sypaadjies te sny soos wat dit in die (verre) verlede gedoen is nie?