Taalbeleid by US: ‘Afrikaans in ‘n vryval’

stellenbosch

Universiteit Stellenbosch. Argieffoto.

Die Afrikaanse Taalraad (ATR) het gesê die universiteitbestuur van die Universiteit Stellenbosch (US) se besluit om Engels van 2016 af as verstektaal te gebruik ten koste van Afrikaans, plaas Afrikaans in ‘n vryvalposisie.

“Dit is ‘n groot terugslag vir Afrikaans as universiteits- en wetenskapstaal by wat eens ʼn  boegbeeld vir Afrikaans was. Die Afrikaanse Taalraad doen ʼn beroep op die raad van die US om die planne te skrap en die bestuur te versoek om met meer verbeeldingryke taalplanne vorendag te kom,” het  prof. Jacques van der Elst, uitvoerende hoof van die ATR, Vrydag in ʼn verklaring gesê.

Hy het gesê dit lyk asof die US swig onder druk van politieke groepe soos SASCO en Open Stellenbosch en die sogenaamde raadpleging van die groepe kan eerder bevraagteken word.

“Hierdie stap is tegelyk ʼn aanmoediging vir ander instellings soos die Universiteit van die Vrystaat (UV) en die Noordwes-Universiteit (NWU) se kampus in Potchefstroom om die US se voorbeeld te volg. As die ‘ouboet’ van die Afrikaanse universiteite so ʼn taalstap neem, sal die druk op hierdie instellings verder toeneem.”

Van der Elst het gesê daar is begrip daarvoor dat anglisering in hoër onderwys ʼn internasionale tendens is, maar die Afrikaanse taalgemeenskap word die voorreg ontneem om in Afrikaans te studeer en intellektueel te groei by een van Suid-Afrika se gerekende universiteite, terwyl daar binne ʼn radius van enkele tientalle kilometers drie ander Engelstalige tersiêre instellings bestaan.

“Hierdie besluit marginaliseer nie net Afrikaans nie, maar is tewens ʼn terugslag vir ander inheemse tale in Suid-Afrika wat ook die reg het om op die lang duur as wetenskapstaal erken te word. Die Afrikaanse Taalraad doen ʼn ernstige beroep op universiteite om nie die deur hard in die gesig van die Afrikaanse taalgemeenskap toe te klap nie,” het hy bygevoeg.

Lees meer oor: Open StellenboschUniversiteit Stellenbosch

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

13 Kommentare

jongste oudste gewildste
Bets Bothma

Ons Afrikaanse Suid-Afrikaners het ruggraatloos geword, soos my oom Jopie altyd gesê het – “hulle het nie krag nie!” – ons gee net boedel oor terwille van … selfs ons NG Kerk het boedel oorgegee ter wille van …

saarkie

Lamsakkige bestuurslede van US. Klap in die gesig van elke afrikaanssprekende wat daar studeer.
Skandaal van die jaar! !

Maria

Die ergste van als is dat die meeste mense wat aandring op Engels verstaan Afrikaans baie beter. Hul verkrag die uitspraak van Engelse woorde so dat nieman op die ou einde eers verstaan wat gesê word nie. Sodra mens “hogere ” Engels begin praat, slaan hul gou oor Afrikaans toe. Engels, Engels alles Engels en so word my Moedertaal vermoor.

Ben Burger

Van der Elst sê: ” binne ‘n radius van enkele tientalle kilometers …” Klink of Afrikaans dalk eerder ‘n goeie hospitaalplan nodig het.

irene

Ons mense moet nou wakker word hul is net gepla oor taal AFRIKAANS daar gaan erger dinge aan as taal God het tale gemaak nasies gemaak die F marone moet weet SA behoort aan GOD en nie aan een persoon nie word wakker voordat dit te laat is kan sien in watter groot gemors SA is bid liewer vir vrede