Taalbeleid by US: ‘Afrikaans word weggetransformeer’

stellenbosch

Universiteit Stellenbosch. Argieffoto.

Die stigtingskomitee Afrikaanse Alumni-vereniging (AAV) het Sondag gesê die aankondiging dat die Universiteit Stellenbosch (US) vanaf 2016 primêr Engels moet wees, is ʼn geval van irrasionele transformasie.

Dit volg nadat prof. Wim de Villiers, rektor van die US, sy bestuur se nuwe taalplanne as dringende transformasiemaatreëls verdedig het.

In ʼn brief aan senaatslede, waarin hy die nuwe taalmaatreëls aankondig, het De Villiers dit as “dringende transformasiemaatreëls” bestempel wat reeds vanaf 2016 toegepas sal word. De Villiers het glo beklemtoon dat die maatreëls die produk van konsensus met die drukgroep Open Stellenbosch is.

Volgens adv. Jacques du Preez, woordvoerder van die AAV, beteken transformasie vir die US-bestuur klaarblyklik ook die verengelsing van die universiteit. “Transformasie is ʼn grondwetlik ongedefinieerde begrip, in die naam waarvan ongrondwetlike uitkomste nagestreef word. Dit is die probleem. In die US se geval beteken transformasie nou blykbaar selfs dat die universiteit primêr Engels moet word, en dat Afrikaans ʼn mindere en al kleiner wordende rol moet speel. Só gedefinieer, is transformasie egter grondwetlik en intellektueel bankrot,” het Du Preez gesê.

Lees meer oor: Open StellenboschUniversiteit Stellenbosch

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

18 Kommentare

jongste oudste gewildste
Gerhardt

Dis duidelik dat Wim oorhaastig en ondeurdag opgetree het.

Willie

Dit is nou tyd dat ons vir afrikaans moet opstaan,prof het ons geen regte ,Ek twyfel of prof Wim die regte leier is om die universiteit voorrentoe te neem???

Lieb

Water taalgroep studente is in die meerderheid? As dit Afrikaans sprekendes is, waar is demokrasie nou? Dit is nou regtig besig om erg te raak want daar is took ander nie-Afrikaanse universiteite in die omgewing. Waar gaan dit stop?

Andriette

Prof Wim de Villiers. Klink sooooo Afrikaans? Maar hy swig – voor druk van MENSE? Wat van jouself Wim? Wat van God? Wat sê Hy vir jou? MENSE is môre weg. Wat dan Wim? Jy vertrap ons taal. Sies man

Buitelander

Alhoewel ek in die buiteland woon en nie self kan deelneem nie, stel ek voor dat ‘n betoging organiseer moet word. ‘n Mens moet vir sy regte aanhoudend veg en verdedig.
‘n Petisie kan dan tydens die betoging by iemand afgelewer word. ‘n Betoging moet soveel aandag trek as moontlik.