Talle Gautengse gesondheidsamptenare ‘doen sake’ met staat

(Argieffoto: Pixabay.com)

Altesaam 184 amptenare van die Gautengse gesondheidsdepartement het hul eie, private sakeondernemings wat sake met staatsdepartemente, ook die gesondheidsdepartement, doen, het die DA Sondag gesê.

Ondernemings sluit in die verskaffing van mediese voorraad, kos, geleentheidsbestuur, nooddienste, veiligheidsdienste en begrafnisdienste, het Jack Bloom, die DA se woordvoerder oor gesondheid in Gauteng, gesê.

“[Die syfers] is bekend gemaak deur die Gautengse LUR vir gesondheid, Bandile Masuku, in ʼn geskrewe antwoord op my vrae in die Gautengse wetgewer.”

Die werkers is in die Gautengse ouditdiens en die ouditeur-generaal se 2018/’19-verslag geïdentifiseer, het Bloom gesê.

Dit is in dié stadium nie bekend presies hoeveel amptenare van die gesondheidsdepartement sake met dié departement self doen nie. Volgens Masuku is ʼn gedetailleerde verslag van die departement aangevra. Die spertyd hiervoor is 14 Oktober. Sodra die inligting beskikbaar is, sal dit aan die wetgewer deurgegee word.

Bloom het sy kommer uitgespreek omdat dit so lank geduur het om te bepaal hoeveel amptenare met hul werkgewer sake doen. Volgens hom is dit uiters onreëlmatig in ʼn departement wat reeds talle korrupsieskandale gesien het.

“Ek sien uit na die gedetailleerde verslag wat beloof is. Dit behoort opgevolg te word deur die streng dissiplinering van amptenare wat uitgevang is,” het hy gesê.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

7 Kommentare

jongste oudste gewildste
Hoe sê?

Verbaas my glad nie!

Piet

Logies! Dan het ons die “ringside seats” wanneer die GROOT trog fest (NGV) tot stand kom. Magtig ons het baie by die Guptas geleer!
Ek is nie vandag se kind nie en het ‘n doodse beklemming wanneer die kaders in charge gaan wees.

Johanna Botha

Die plek is VROT !

Gert van Wierdapark

Lyk my dat daar op elke hoek en draai waar die a en see probeer regeer, Soustreine soos paddastoele is. Dit is die enigste “ekonomiese area” waar daar ver-stom-mende “groei” BEWERK-stellig word (geld word geskep, SONDER om daarvoor te werk!).

Peter

Wat verwag jy van die A eN C klassies