Talle in Jhb beseer ná gasontploffing

Argieffoto.

Altesaam 13 mense is Donderdagmiddag in Doornfontein in Sentraal-Johannesburg beseer tydens ʼn gasontploffing by ʼn skrootwerf.

Chris Botha, Netcare911-woordvoerder, het gesê paramedici is na ʼn vulstasie in die omgewing ontbied nadat die brand van die skrootwerf versprei het.

Nege mense is ernstig beseer, twee is in ʼn kritieke toestand en twee mense het slegs geringe beserings opgedoen.

Botha sê mense moet veral waaksaam wees met die gebruik van gas in wintermaande wanneer daar ʼn toename in gasgebruik is. “As jy gasgereedskap gebruik, maak seker dat die toestelle deur handelaars goedgekeur en in ʼn goeie werkende toestand is selfs nog voordat jy dit gebruik.”

Nege pasiënte is deur Netcare911 en vier deur provinsiale paramedici na die hospitaal vervoer.

Die oorsaak van die ontploffing is nie bekend nie. ʼn Polisieondersoek duur voort.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.