Talle leerders op Schweizer tuis gehou vir veiligheid

Nog ʼn foto wat op dieselfde dag in die klas geneem is waar gesien kan word hoe swart en wit leerders by mekaar sit. Foto: Twitter

Heelparty leerders van die Laerskool Schweizer-Reneke se ouers het hulle Vrydag ter wille van hul veiligheid by die huis gehou.

Jozeph du Plessis, voorsitter van die skool se beheerliggaam, sê die situasie by die skool was Vrydagoggend “kalm en rustig” ná Donderdag se vurige betoging nadat ʼn foto van die gr. R-klas opslae gemaak het omdat kinders kwansuis volgens hul ras geskei is.

Du Plessis kon nie gerugte bevestig dat die klas se juffrou, Elana Barkhuizen, dorpuit gevlug het nie. Hy sê wel Barkhuizen, ʼn toegewyde onderwyseres met jare lange ervaring hier en by vorige skole, is nie beskikbaar om met die media te praat nie.

Gevra waarom die vier swart kinders op die foto apart sit, het Du Plessis gesê die foto is kort ná die begin van die eerste skooldag geneem toe die kinders nog vreemd en onseker was. “Sy het waarskynlik die gevoel gekry om die kinders bymekaar te laat sit sodat hulle mekaar kan console.”

Dis ongelooflik hoe die eerste foto soos ʼn absolute veldbrand ontplof het.

Op foto’s wat direk daarna geneem is, sê Du Plessis, kan gesien word hoe die kinders gelukkig en deurmekaar sit. “Dis eintlik ongelooflik hoe die eerste foto, nadat iemand dit in die sosiale media gedeel het, soos ʼn absolute veldbrand ontplof het.”

Du Plessis sê hy kan nie dink dat teen die skoolhoof, Alwyn Henning, opgetree sal word nie. Wat met Barkhuizen gaan gebeur, sal waarskynlik volgende week bekendgemaak word wanneer die onderwysdepartement sy ondersoek na die voorval afhandel.

Intussen sê die Menseregtekommissie (MRK) van sy amptenare het die skool Donderdag besoek waar hulle met Sello Lehari, Noordwes se LUR vir onderwys, en sy span beraadslaag het.

Die kommissie sê hy sal nou met die departement saamwerk in die ondersoek na die aantygings van rassisme in die gr. R-klas.

Terselfdertyd sal die departement ʼn taakspan aanstel om “transformasie by die skool te behartig”. Die departement het die MRK gevra om saam te werk in dié taakspan.

Die kommissie sê hy is “diep besorg daaroor dat gevalle van diskriminasie en verwante onverdraagsaamheid binne die skolestelsel plaasvind. Skole is platforms vir onderrig en leer, nie net [van] ʼn formele leerplan nie, maar ook van fundamentele waardestelsels.

“Hoewel dié tendens in skole uiters kommerwekkend bly, behoort ons dié geleentheid te gebruik om skole by transformasie te betrek en groter bewustheid tuis te bring.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

60 Kommentare

jongste oudste gewildste
Chris

Die skool sal in alle geval nooit weer dieselfe wees nie, ook nie die dorp nie. Nou volg gesprekvoering en gaan die skool by ‘transformasie’ betrek word.

C+T

Ek hoop die ondersoek word objektief gedoen. Daar is al soveel skade gedoen met kommentaar sonder al die feite. Ek hoop die naam van die persoon wat foto op die sosiale netwerk versprei het word ook genoem. Asook die rede waarom die persoon nie eers die skool genader het en ‘ n verduideliking gevra het nie. Ek wonder altyd oor die motiewe van persone wat so iets doen. Wil hulle rasse haat aanwakker en lewendig hou of wat? Mense maak glads te gou gevolgtrekkings sonder al die feite.

m.d.r.

Soveel histerie oor iets so nietig…! En hoeveel histerie wil die media, die amptenary . en die skinderbekke nog veroorsaak…?
Gebruik kinders vir politieke doelwitte….!
Maar nouja, dit is nie die eerste keer dat Swart politici hierdie truuk uithaal nie—die 1976 opstand het ook uit ‘n skool ontstaan…..

Aan enige buitelandse belegger of besoeker hierdie boodskap : welkom in die land van Geestesversteurdes . want niemand kan wil voorgee die reaksie op hierdie mini-insident enigsins normaal kan wees nie….!

Risa

Transformasie, dis siek. Hoekom kyk departement nie na skole met oorvol klasse en geen toilet geriewe nie.

Marcel

Privaat skole mense, privaat skole!
Nee, dis nie onbekostigbaar duur nie.
As die Orania gemeenskap privaat skole kan hê, kan enigiemand (wat natuurlik REGTIG die wil het, bygesê….).