Talle SANW-lede van seksuele aanranding verkla

(Argieffoto)

Die Suid-Afrikaanse Nasionale Weermag (SANW) ondersoek verskeie klagtes van seksuele aanranding deur lede van die weermag. Dít nadat ʼn vertroulike verslag vroeër die week aan die media gelek is.

Mail & Guardian berig vrouelede van die weermag het die afgelope 18 maande soveel as 41 klagte van seksuele aanranding teen hul manskollegas ingedien. Volgens ʼn interne verslag wat aan dié mediahuis gelek is, wissel dié klagte van verkragting tot aanranding en teistering. Meer as die helfte (26) van dié sake is afgehandel, met 13 skuldigbevindings en 11 van die verdagtes wat vrygespreek is. In baie van dié gevalle moet die slagoffers steeds met die oortreders saamwerk.

Die minister van verdediging en militêre veterane het vroeër die maand aangekondig dat sy besluit het om ondersoek in te stel na bewerings van seksuele uitbuiting en aanranding in die weermag.

In ʼn verklaring sê die weermag Vrydag dat hy kennis neem van hierdie berigte en ʼn taakspan saamgestel het om al hierdie sake te hersien. “Die minister van verdediging sal die publiek in kennis stel sodra die taakspan die sake hersien het. Dit is egter jammer dat ʼn vertroulike verslag wat vir die minister se aandag saamgestel is, aan die media gelek is,” het Siphiwe Dlamini, SANW se woordvoerder, gesê.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

15 Kommentare

jongste oudste gewildste
Thinus

Nog ‘n ANC sirkus.

Magda

Kan hulle aantrek maar nerens heen vat nie – skaam my dood!!! Dit is wat die ANC van Suid Afrika gemaak het.

Hanna Hoekom

Dis nou die einste SANW wat n paar jaar gelede “gevra” moes word (minister van verdediging) om asseblief tog nie seksuele verhoudings met die plaaslike bevolking in die lande waar hul ontplooi word aan te knoop nie. Die getal HIV positiewe soldate is blykbaar ook uitermate hoog… Ja, mens kan die bos ook nooit uit sekere mense haal nie!

Marius

Met die hiv “levels” in ons weermag het ons van die dodelikste weermagte ter wereld.

Bert

Ongelukkig oor die verslag uitgelek het.
Hoop maar dit word nie ‘n geval van : kill the messenger nie.