Foto verskaf deur ER24
Ou Kaapse Weg in Steenberg in die suide van Kaapstad sal Saterdagoggend tot minstens 10:00 gesluit wees ná ʼn ongeluk wat minstens nege persone se lewens geëis het.
Werner Vermaak, woordvoerder van ER24, het gesê paramedici is omstreeks 02:00 na die toneel ontbied waar nege mans noodlottige beserings opgedoen het. Hulle is op die toneel dood verklaar. “Drie ander mans het ernstige beserings opgedoen en 11 het geringe tot matige beserings opgedoen.”
Verskeie nooddienste het op die oproep reageer en ER24 bygestaan om die pasiënte na nabygeleë hospitale te neem.
Die oorsaak van die ongeluk is nog nie duidelik nie. Owerhede stel ondersoek in.
Volgens Kenny Africa, verkeershoof in die Wes-Kaap, het die bestuurder van ʼn konstruksievoertuig beheer verloor oor die voertuig. Volgens hom het 23 persone in die bakkie gery. “Die bestuurder het ná die ongeluk weggehardloop. Die polisie ondersoek ‘n saak van strafbare manslag.”
*JONGSTE: ‘n Tiende persoon het intussen in die hospitaal aan sy beserings beswyk.
Volgens ‘n nuusberig op RSG was daar 23 mense in die bakkie!! G’n wonder gravity het ingeskop nie…….
Tel ek reg? 23 mense in en op die voertuig?
Ontspan en gaan aan met julle werk
Skerp Bakkie, baie skerp.
Nog ‘n geval waar mense agter op ‘n voertuig vervoer word! Geen beskerming in geval van ‘n ongeluk nie! En ons regering is ernstig oor padveiligheid! Regtig??
23????!!!????????????
Was seker n halfton bakkie, kan nie meer as 23 insittendes dra nie.
Is dit bloed op die bakkie wat so rooi is?
Poppie, dit lyk inderdaad verdag, maar kan seker ook ambulanse sr rooi dakligte wees (vermoed ek…..)