Tamatieboer dood in bed aangetref

Argieffoto: Reint Dykema

ʼn 52-jarige boer is op haar plaas, Zout van de Aarde, in die Albertinia-omgewing in die Wes-Kaap vermoor.

Kapt. Malcolm Pojie, woordvoerder van die polisie, het aan Maroela Media gesê Sharon Bester het glo alleen op die plaas gewoon en met tamaties geboer.

“Haar liggaam is Saterdag al in haar bed aangetref deur ʼn werker wat haar honde versorg. Daar is aanvanklik vermoed dat sy ʼn beroerte gekry het, maar nadat die nadoodse ondersoekverslag Woensdag bekend gemaak is, het dit aan die lig gekom sy is verwurg,” het Pojie gesê.

ʼn Verdagte (20), wat ‘n werker op die plaas is, is Dinsdag in hegtenis geneem nadat hy Saterdagaand laat opgemerk is waar hy met Bester se Land Rover rondgery het.

“Hy is aanvanklik in hegtenis geneem vir huisbraak en diefstal nadat daar ook ʼn skootrekenaar en tabletrekenaar by hom aangetref is. Na aanleiding van die nadoodse ondersoek is ʼn aanklag van moord aanhangig gemaak.”

Die verdagte sal vandag in die Albertinia-landdroshof verskyn.

Marius Müller, nasionale operasionele koördineerder van AfriForum, het aan Maroela Media gesê Bester is die 76ste persoon wat vanjaar op ʼn plaas vermoor is.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

32 Kommentare

jongste oudste gewildste
Christelle

Here help ons….

Johann Marx

As julle vir die NP stem en my vertrou met die mandaat wat ek vra, stem jy vir:
1. ‘n Veilige toekoms vir ons en ons kinders
2. Vreedsame naasbestaan en gelykwaardige geleenthede
3. Ordelike hervorming en redelikheid
4. Die beskerming van groepsbelang deur eie besluitneming
5. Die bevordering van gemeenskaplike belange deur samewerking
6. Sterk en doelgerigte leierskap
7. ‘n Eendragtige en Weerbare Suid Afrika
8. Ekonomiese, politieke en maatskaplike stabiliteit
9. Die handhawing van orderlike regering en standaarde
10. Veiligheid, Vryheid en Voorspoed deur geregtigheid

Lekker uitgevang, né?

Sampie

…om onsself te beveilig!

Andy

Dis asof elke jan rap en sy maat nou dink hulle moet ‘n ‘bydrae’ maak tot plaasmoorde……sien seker ander word nie gevang en kom niks oor nie

Aggenee

Ek het swart aangehad Maandag, maar ek dink daardie dag het die moord net aangeblaas