Tatjana Schoenmaker maak geskiedenis

Tatjana Schoenmaker in aksie tydens die finaal. Foto: (AP Photo/Mark Schiefelbein)

Tatjana Schoenmaker het Vrydag die eerste Suid-Afrikaanse swemmer geword om ʼn medalje te wen by ʼn Wêreld-langbadkampioenskap.

Schoenmaker het die silwermedalje in die 200 m-borslag gewen in ʼn tyd van 2:22,52. Die Rus Yuliya Efimova het goud gewen met haar tyd van 2:20,17.

“Ek kon voel ek was baie moeër as gister. Gister was baie meer ontspanne. Ek het nie my beste tyd geswem nie, maar ek het gelukkig steeds silwer gekry en ek is baie bly,” het Schoenmaker gesê. Kaylene Corbett het agtste geëindig.

Schoenmaker het Donderdag ʼn nuwe Afrika-rekord opgestel op dié byeenkoms in Suid-Korea. Sy het met haar nuwe rekord van 2:21,79 in die 200 m-borsslag ʼn plek in vandag se eindronde van dié item verseker.

Chad le Clos het intussen sy plek in Saterdag se halfeindronde van die 100 m-vlinderslag verseker. Caeleb Dressel het die vinnigste tyd in die uitdunrondes aangeteken en met sy 49,50 sek. Michael Phelps se rekord in die slag laat bly.

“Dit was goed maar baie stadig – ek weet nie wat gebeur het nie. Ek is baie opgewonde oor môreaand. Ek sal ʼn goeie resies hê en sien hoe dit gaan.”

Yuliya Efimova en Tatjana Schoenmaker wens mekaar geluk. Foto: (AP Photo/Mark Schiefelbein)

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

7 Kommentare

jongste oudste gewildste
kolla

Chad het reeds ‘n brons gewen.

Yankee,

Vra net. Is dit dan moontlik om n Afrika rekord op te stel as een meeding in a ander Land buite Afrika?

Gert van Wierdapark

Skitterend prestasie Tatjana!!!!

Johannes

Seker net ‘n kwessie van tyd dan word daar beveel dat ‘n swarte moet deelneem en die medalje wen…

kolla

Blykbaar eerste SA VROUE medaljewenner by ‘n FINA langbad-wêreldbyeenkoms.