Taxibestuurder vrygelaat ná grubotsing

Micayla Victor is op slag dood in die ongeluk in Sydenham, Port Elizabeth. Foto: Facebook

Die taxibestuurder wat homself aan die polisie oorgegee het ná Maandag se grubotsing in Port Elizabeth waarin twee vroue dood is, is vrygelaat.

Die ongeluk het omstreeks 17:20 gebeur in Kempstonweg in Sydenham, noord van die Baai se middestad, toe ʼn bestuurder na bewering ʼn rooi verkeerslig verontagsaam het.

Die taxibestuurder het van die toneel af gevlug, maar homself ure later by die Mount Road-polisiestasie gaan oorgee.

Van die drie vroue in die ander voertuig, al drie werknemers van Atlas Security, is Micayla Victor (19) op slag dood en Celine de Ridder (21) op pad na die hospitaal nadat paramedici haar lewe vergeefs probeer red het.

ʼn Derde insittende van dié motor, Juanita de Villiers, is in die hospitaal vir haar beserings behandel, maar Dinsdagoggend ontslaan.

Paramedici het hard probeer om Celine de Rider se lewe te red. Foto: Facebook

Kol. Priscilla Naidu, polisiewoordvoerder, sê die saak is nie op die hofrol geplaas nie en die taxibestuurder is gevolglik vrygelaat. Sy het gesê die ondersoek na die voorval duur nou voort.

Sodra die ondersoek afgehandel is, sal die dossier weer na die hof gestuur word vir aanklaers om ʼn besluit te neem.

Die vroue was almal op pad om van 18:00 af nagskof in die veiligheidsmaatskappy se beheerkamer in die stad te werk toe die ongeluk ʼn hanetree van hul werkplek af gebeur.

Wayne Hart, Atlas Security se groepsbemarkingsbestuurder, het vroeër gesê hulle is verpletter deur die dood van twee van hul kollegas. “Hulle is ʼn baie hegte span wat om veiligheidsredes afsonderlik van die res van die kantoor werk. Almal ken mekaar en werk 12 uur op ʼn slag nou saam,” sê hy.

 

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

33 Kommentare

jongste oudste gewildste
Ryan

“…..aanklaers om ‘n besluit te neem…..” – Besluit te neem oor wat?! Hier is ‘n man wat twee blanke dames vermoor het (ja, MOORD, ons weet almal hoe ry taxis) vs Die Coligny twee wat onskuldig was en al die pad in aanhouding bly OMDAT IEMAND IN DIE HOF GELIEG HET?

sweiz

Sal Afriforum nou weer moet sorg dat geregtigheid seëvier, ek ondersteun Hellen Zille 100% met n belasting boikot want ons belasting word vir die verkeerde redes nl misdaad befondsing gebruik.

Arrie

Dit breek ‘n mens om so iets te lees.Dan kyk jy na die gevak waar die man die buurplaas se werker in die nag per ongeluk dood skiet en hy kry 6 jaar tronk straf???

Elsabe

Waarom is die saak nie op die hofrol geplaas nie?? Die taxibestuurder het dan gaan erken hy het oor die rooi lig gery. Is dit nie ‘n bekentenis nie?? Nou kan hy kans kry om te vlug en hierdie pragtige mense het gesterf!! Dit is absurt hoe die wette verdraai word !! Sterkte aan die familie

Gogga

Ai dis so hartseer. En dans die vrouens dames nog bloedjonk ook. Shoe mikayla maar 19 jr en celine 21. N jonge dame wiese lewe nou eers begin het.

Sterkte aan die dogters se ouers. Mag jul berusting vind in God se lefde en sy vertroosing.