Tekort aan verpleegsters ‘’n ramp wat dreig’

Foto ter illustrasie. (Foto: pixabay)

Die Solidariteit-beroepsgilde vir verpleegkundiges het gesê groter samewerking is dringend nodig as die opleidingskrisis in die bedryf opgelos wil word.

Hennie Bierman, hoof van Solidariteit-beroepsgildes, het gesê Suid-Afrika het kritieke probleme met die opleiding van verpleegkundiges. Volgens hom het die ondoeltreffendheid van die SA Raad op Verpleging (SARV) ʼn negatiewe uitwerking op die finalisering van regulasies oor verpleegopleiding, die akkreditering van nuwe instellings vir verpleegopleiding, -praktyk en -programme asook die herakkreditering van bestaande instellings en programme vir verpleegonderrig.

“Die grootste probleem is dat daar gesloer word met die akkreditasie van alle verpleegkursusse en die goedkeuring van private verpleeginstansies wat al sedert 2014 aan die gang is. Die gebrek aan kommunikasie tussen die SARV en die departement van hoër onderwys en opleiding is verantwoordelik vir die vertraging,” het Bierman gesê.

Die strategiese plan vir verpleegopleiding, wat voorsiening maak vir nuwe kwalifikasies, is in 2013 al ingestel, maar nie die private opleidingsinstellings, óf die nuwe kurrikulums is al goedgekeur of geakkrediteer nie.

“Geen private instansie het die afgelope drie jaar goedkeuring vir opleiding ontvang nie en die SARV het heelwat van die kursusse wat by bestaande private instansies aangebied word, reeds in 2015 opgeskort. Dit beteken dat daar selfs nog minder verpleegsters opgelei word, wat ekstra druk op die bestaande verpleegsters in die beroep plaas wat weer ʼn impak op dienslewering het,” het Bierman gesê.

Volgens hom word tot 60% van die land se verpleegopleiding by private instellings gedoen en daarom sal die akkreditering van dié instellings veel doen om verpleegtekorte te voorkom.

Bierman het gesê die SARV, die departement van hoër onderwys en die departement van gesondheid moet dringend beter begin saamwerk.

“Die SARV en die departement van gesondheid moet dringend hul raamwerk vir die opleiding van verpleegkundiges prioritiseer en seker maak hulle praat dieselfde taal om ʼn dreigende opleidingsramp te voorkom,” het Bierman gesê.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

16 Kommentare

jongste oudste gewildste
Duppie

Dit is verseker ‘n ramp wat dreig. Die problem is dat alle verpleegsters mos swart en engels sprekend moet wees soos dit die nuwe Suid Afrika verteenwoordig. Die arme verpleegster kan nie eers behoorlik engels praat en verstaan nie, wat nog te sê van afrikaans. Nou kom daar natuurlik foute in met ‘n pasient se opname en verkeerde inligting word op die vorms neergeskryf wat tot noodlottige gevalle kan lei. Indien ‘n persoon bv allergies is vir jodium en die verpleegster skryf dit verkeerd op die toelatings vorms neer, is die kanse baie goed dat sy en die hospitaal vir… Lees meer »

Thinus

Hulle moet se die tekort aan goeie opgeleide en vaardige verpleegsters want die wat vandag in meeste hospitale werk is nie een van die bogenoemde nie. Hulle kan nie behoorlik ‘n drip insit of bloed trek nie. Nog ‘n suksesvolle mislukking van die staat se regstellende aksie en transformasie beleide wat in hul gesig ontplof. Dom mense wat dom besluite maak, dis waar die fout le.

marous

Daar is geen infrastruktuur om die beroep te huisves nie ! Gaan kyk hoe lyk dit by staats hospitale . Mense sterf in die wagkamer omrede diegene wat daar werk te sleg is om agter die tafels op te staan . Dis die waarheid.

Jacques

Dit is agv die regring se arogansie om regstellende aksie in te stel dat ek nie bloed skenk nie . Een van die redes behalwe die feit dat my gesondheid dit nie toelaat nie is die feit dat die bloebank gese het hulle wil 100% swart wees ? As jy na n hospitaal toe gaan en moet n drup kry lyk jy soos n sif as hulle klaar is , want hulle weet nie regtig hoe om dit te doen nie .
Verpleeging is n roeping nie net nog n beroep nie .

honourable member

Afgesien van regstellende aksie, hierdie vuil septiese hospitale sal enige iemand afskrik.