Tembisa-hospitaal erken oorbevolking

‘n Skermskoot van die plasing op sosiale media.

Die Tembisa-hospitaal in Gauteng het Donderdag bevestig dat ernstige siek pasiënte toegelaat word ondanks sale wat hul volle kapasiteit bereik het weens die hoë aanvraag na gesondheidsorgdienste in Tembisa en omliggende gebiede. Dié hospitaal loop veral oor van swanger pasiënte aangesien hulle nie weggewys kan word nie.

Woedende sosialemediagebruikers het uitgevaar nadat foto’s van oorbevolking by die hospitaal aan die lig gekom het. Die foto’s is oënskynlik deur verpleegsters uit frustrasie op sosiale media geplaas.

Die foto’s wys ʼn oorvol kraamsaal waar personeel in ʼn stadium na 192 pasiënte moes omsien in die saal wat geskik is vir slegs 51 pasiënte.

Die hospitaal het sedertdien in ʼn verklaring erken dat om meer pasiënte te akkommodeer as wat die fasiliteit kan hanteer nie ideaal is nie, maar het in dieselfde asem gesê dat die toename in siekes dit egter onvermydelik gemaak het.

Die hospitaal het gesê die situasie is vererger deur die gebrek aan ander hospitale in die omgewing waarna pasiënte verwys kan word.

Luidens die verklaring is van die inligting op sosiale media egter misleidend. “Eerstens was die saal veronderstel om vier vroedvroue te hê, maar omdat een van die vroedvroue siek was, was daar slegs drie aan diens en nie twee soos in die plasing vermeld nie. Daarbenewens was daar drie ingeskrewe verpleegsters en een operasionele bestuurder. Daar was altesaam sewe personeellede [aan diens] in die saal.

“Tweedens het die saal 80 swanger pasiënte gehad, nie 96 soos beweer word nie. Die hospitaal bedien ‘n bevolking van 1,2 miljoen mense en meer as 1400 babas word per maand daar gebore. Dit beteken dat die tweede meeste aantal babas in die land daar gebore word,” lui die verklaring.

Die hospitaal het ʼn beroep op die gemeenskap gedoen om van gesondheidsentrums en klinieke naby aan hul huise gebruik te maak indien moontlik sodat die hospitaal sy hulpbronne aan meer ernstige pasiënte kan toewy.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

26 Kommentare

jongste oudste gewildste
Db

Genugtig 1400 babas per maand net daar! Geen wonder ons land bars uit sy nate uit nie

Sarel

Laat my dink aan bekende advertensie van jare gelede wie moet ons bedank Govverment!!!!

Ruby

Onthou toe die kruisie getrek was….kry vir julle.

Tilla

Daar is nie 192 pasiente nie, dit was 96 volgens die inskrywing. 192 siele, dis ma en baba.

Gert van Wierdapark

Miskien moet pres CR eers oor dienslewering in SA begin droom en sy “Superstad” bietjie op Ys/Ace sit!!!