Terreurwaarskuwing: SA departement verbreek stilswye

terreur-terrorisme

Argieffoto.

Suid-Afrika se departement van staatsveiligheid het Maandag sy stilswye verbreek ná ʼn waarskuwing van die Amerikaanse ambassade oor terreuraanvalle in die land.

Volgens min. David Mahlobo is daar nie nou dadelik ʼn rede om paniekerig te raak nie. “Ons is ʼn sterk en stabiele demokratiese land en die waarskuwing hou geen onmiddellike gevaar in nie,” het hy gesê.

Mahlobo het bevestig dat dit die veiligheidsmagte se plig is om te verseker dat “alle mense in ons land veilig voel en is”.

Brian Fikani Dube, die departement se woordvoerder, het bygevoeg dat die regering kennis dra van die terreurwaarskuwing en dit as ʼn standaard voorkomende waarskuwing beskou.

“Die land se staatsveiligheidsdienste het reeds met die Amerikaners in verbinding getree oor hul kommer en dié verbintenisse sal voortgaan,” het Dube gesê. “Die sekuriteitsdienste sal voortgaan om die veiligheid van alle besoekers en inwoners te verseker, veral in die lig van gewelddadige ekstremisme en terroriste.”

Die Amerikaanse ambassade in Suid-Afrika het Saterdag gewaarsku dat terreurgroepe aanvalle in die nabye toekoms tydens die heilige maand van Ramadaan beplan by plekke waar Amerikaanse burgers byeenkom. ʼn Soortgelyke waarskuwing is ook in 2015 uitgereik.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

48 Kommentare

jongste oudste gewildste
MM

Ja wat alles is onder beheer, want hulle het nie tyd om aandag daaraan te gee nie, want steel kom eerste.

johan

Waar is die sterk en stabiele demokratiese land waarvan Dube praat, ons eie boere kan nie eers veilig gehou word nie, waansin en onsin word verkondig, nes die ANC, lieg en bedrieg, lieg oor alles en dan verwag hulle ons moet die onsin sluk

alida

Die weermag en die lugmag is dan in sy glorie in!!! Wie gaan ons beskerm?

Wonder maar net

Ons is al van 1994 nie veilig nie. Plaasmoorde,ens bevesig dit. Die regering kanie ons land beskerm nie,hul sal net sorg vir hul eie veiligheid,bokker die res.Hul sal eerder vlug met hul geheime toerusting wat in geheim bekom is met ons belasting betaler se geld wat hul allankal nue kan verklaar. Zuma se privaat jet staan reg vir sy familie. Wat n grap.

maroela

Kan n mens dit oorvertel. ( ons land is n sterk stabiele demokrasie ???? . Die veiligheidsmagte is daar sodat ons almal veilig moet voel en is . ????. ) Dit is lagwekkend . Die land sit op n drukpot wat enige tyd kan ontplof . Kyk na die misdaad , opstande , onvermoe van die owerhede oor die hele sprektum om dienste te lewer , bedrog en onbevoegde kaderaanstellings in belangrikke poste . Die vraag is hoelank nog ????.