‘The Voice SA’ se eerste wenner aangewys

Richard Stirton, The Voice SA se eerste wenner wat op 22 Mei 2016 aangewys is (Foto: The Voice SA)

Richard Stirton, The Voice SA se eerste wenner wat op 22 Mei 2016 aangewys is (Foto: The Voice SA)

Die eerste wenner van die Suid-Afrikaanse weergawe van The Voice is Sondagaand aangewys.

Richard Stirton (22) van Kaapstad is as die finale wenner aangewys wat uiteindelik ʼn kontrak van Universal Music SA en pryse ter waarde van meer as R800 000 sal ontvang.

Richard van #TeamKhan was van die begin af een van die gunstelinge. Hy was ʼn entoesiastiese sportman by Rondebosch Boys High tot hy ʼn rugbesering tydens ʼn krieketwedstryd opgedoen het. Hy het daarna sy kitaar opgetel.

Richard is besig met sy BCom in bestuurswese by die Universiteit van Kaapstad en hy gryp “elke geleentheid aan” om sy talent voor ʼn gehoor ten toon te stel. Hy is al ʼn jaar lank besig met verskeie vertonings en het al by die Barnyard opgetree.

Richard is ook een van die singende kelners van Kaapstad se bekende Stardust-restaurant.

Die vier voorlopers was #TeamKaren se Almur Marais (25), ʼn voormalige passer-en-draaier van Stilfontein; #TeamBobby se Gavin Edwards (37) wie se enkelsnit nr 2 op iTunes was; #TeamLira se Jeremy Olivier (40) van Kaapstad en #TeamKahn se Richard.

Dit is Sondagaand ook bekend gemaak dat Universal Records belangstel in kontrakte met Team Lira se Zoë Modiga (22) en #TeamKaren’s se diva en “Queen”, Thembeka Mnguni (32) van Durban.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

26 Kommentare

jongste oudste gewildste
Clyvia

Baie swak dat vanaand se stemme nie getel kon word nie. Ek voel dat dit ‘n groot verskil sou gemaak het. Baie geluk aan Richard. Ek hoop dat ons in die toekoms van Gavin en Almur ook gaan hoor.

Wilmarie

Ek sou eerder wou he dat Gavin moes wen! Ek dink hy het dit meer verdien.

Barry

Baie geluk Almur, jy het baie goed gedoen en Sol Tech kan baie trots wees op jou!!

Melissa

Geluk Richard. Gavin en Almur, julle was my gunstelinge!

monica

Baie teleurgesteld in vanaand se stemme dit nie regverdig nie hoop the voice gee andwoorde op mense se kommentaar of dit reg stel