Theuns Jordaan verloor AIG-hofsaak

Foto: Facebook/Theuns Jordaan

Foto: Facebook/Theuns Jordaan

Theuns Jordaan het Donderdag sy hofsaak teen die organiseerders van die Afrikaans is Groot-konsert verloor.

Die sanger se aansoek om weer by dié konsert op te tree, is van die hand gewys. Die konsert sal dus vanjaar sonder die sanger voortgaan.

Werner Lüdertiz, Afrikaans is Groot se regsverteenwoordiger, het Donderdag dié nuus aan Maroela Media bevestig.

Maroela Media het vroeër berig kaartjiehouers is warm onder die kraag nadat die sanger vroeër in Oktober op sosiale media aangekondig het dat hy waarskynlik nié by die konsert gaan optree nie, ten spyte daarvan dat kaartjiehouers optredes deur Jordaan beloof is.

Jordaan het op 19 Oktober in ʼn verklaring bevestig dat hy die organiseerders van dié konsert voor die hof daag.

Lüdertiz sê ʼn kontrak is reeds in Maart vanjaar aan Jordaan gestuur, maar hy het dit eers in September aan die organiseerders teruggestuur.

Hy het dié kontrak egter met die voorwaardes onderteken dat hy die konsert se finansiële boeke kan sien en met die twee direkteure vergader.

“Hy het gesê dat hy slegs by die konsert sal optree indien daar aan sy voorwaardes voldoen word. Die organiseerders was bereid om die finansiële boeke te wys, maar aangesien die direkteure nie beskikbaar was op sy datums nie, is daar nie aan sy voorwaardes voldoen nie,” het hy gesê.

Jordaan is glo genader om afstand te doen van dié voorwaardes en steeds by die konsert op te tree, maar hy het glo nie belang gestel nie.

Lüdertiz sê verder die kontrak is as ongeldig deur die hooggeregshof bestempel omdat die voorwaardes wat hy gemaak het nie nagekom is nie.

Brendon Hargroves, ʼn Afrikaans is Groot-bestuurder, het bevestig Jordaan sal nie by vanjaar se konsert optree nie. Hy wou egter nie onmiddellik kommentaar lewer oor presies waarom Jordaan met die direkteure wou vergader nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

74 Kommentare

jongste oudste gewildste
twakkies

Wat gaan hy nou sing.

Buitestander

Jy is dood reg Thea.
Hoop nie hulle dien weer ‘n optrede vir hom aan nie.

Geitjie

Thea Gerber, hoe vat jy die woorde so uit my mond.

Vark

Nou vir wat wil hy in die boeke kyk ?
Hy word betaal en dis dit – dis besigheid

Ons sal HOM beslis nie mis nie – inteendeel ek mis nog altyd sy konserte LOL

Maretha Wiese

Ek HOU NIE van hom nie. Hy is geldgierig en basta met die res. Daar is soveel meer nederige sangers wat ek eerder ondersteun, als draai vir hom oor geld, ek verstaan hy is ook ‘n besigheidsman want hy moet lewe maar genade waar stop dit, miskien leer hy nou ‘n les, hy is afhanklik van sy luisteraars en met so houding. En dit is nie die eerste keer wat hy die nuus haal oor die woordtjie “geld” nie!