Minstens tien mense is dood en 50 beseer ná ’n passasiersbus Dinsdagoggend op die N3-snelweg digby die Tugelarivier in KwaZulu-Natal gerol het.
Volgens Shawn Herbst, woordvoerder van Netcare 911, het die bus in ’n noordelike rigting gery toe die bestuurder beheer oor die voertuig verloor het.
“Die bus het ’n versperring getref en verskeie kere gerol. Die bus het oor die teenoorgestelde baan gerol en langs die snelweg in die veld tot stilstand gekom. Van die insittendes is in die proses uit die bus geslinger,” bevestig Herbst.
Herbst sê met paramedici se aankoms op die toneel het hulle 50 beseerde mense aangetref.
“Ons kan tans bevestig dat minstens tien mense dood is.”
Meer inligting oor die voorval was nie dadelik bekend nie en sal volgens Herbst later bekendgemaak word.
Nou wat sê mens nou ….
Sjoe, daar is deesdae onsettend baie ongelukke op die paaie.
Hoe verloor die bestuurder beheer oor die voertuig? Hy het waarskynlik te vinnig gery.
‘n voor wiel wat bars kan goas veroorsaak vir n bestuurder.
‘n Voorband het gebars wat nie noodwendig te wyte is aan spoed nie.
Dis glo Eldo Coaches se bus. Ek het al met hulle gery en was baie beïndruk gewees met hulle.