Argieffoto: SAPD/Facebook
Tien mense is dood ná ʼn skietery Dinsdagoggend op die N11-snelweg naby Ladysmith in KwaZulu-Natal.
Kol. Thembeka Mbhele, woordvoerder van die polisie, het gesê die adjunkvoorsitter van die Kliprivier-taxivereniging en vier van sy lyfwagte is doodgeskiet nadat hulle omstreeks 07:00 in ʼn lokval gelei is.
Volgens Mbhele het die vyf mense in ʼn bakkie gery toe verskeie skote vanuit twee voertuie op hulle afgevuur is. Die bestuurder van die bakkie het beheer verloor en het teen ʼn aankomende bussie gebots.
“Onderwysers van ʼn plaaslike skool is in die bussie vervoer. Vyf van die insittendes in die bussie het in die ongeluk gesterf,” het Mbhele gesê. Die vier lyfwagte en adjunkvoorsitter van die taxivereniging het aan hul skietwonde beswyk.
“Die polisie is steeds op die toneel besig om ondersoek in te stel. Die motief vir die voorval is nog nie bekend nie.”
SA is nie die enigste land waar TAXI’s bedryf word nie, maar seker die enigste waar dit in ‘n MAFIA ontaard het?
O ja, dis hoe somige kulture met kompetisie onderhandel. Maak hulle net dood.
Waansinnig! Hoeveel meer moorde nog?
‘n Ou wat die behoefte aan vier lyfwagte het, moes sekerlik ook SAPD in kennis gestel het dat sy lewe in gevaar is? As hy nie het nie, moet dit wees omdat hy nie onnodige aandag wil lok nie… Dit ruik baie na georganiseerde misdaad.
Mensig, hoekom sal jy lyfwagte he as jy net n besigheidsman is.
Moet nie terughou nie gaan voluit.
Niemand is nerens meer veilig nie.