Tien in hof oor renosterstroperysindikaat

Die verdagtes verskyn in die Hatfield-landdroshof. Foto: @LielaMagnus op Twitter.

Die verdagtes verskyn in die Hatfield-landdroshof. Foto: @LielaMagnus op Twitter.

Tien lede van ʼn vermeende renosterstroperysindikaat het Maandag, op Wêreldrenosterdag, in die Hatfield-landdroshof in Pretoria verskyn.

Hugo Ras, die vermeende meesterbrein agter die sindikaat, het saam met sy vrou Trudie, sy broers Anton Ras en Arno Smith en ses ander verdagtes in die hof verskyn. Die ander verdagtes is Bonnie Steyn, ʼn vlieënier van Ficksburg, Willie Oosthuizen, ʼn adjudant-offisier van die Valke, Joseph Wilkinson, ʼn prokureur van Pretoria, Christoffel Scheepers, Mandla Magagula en Willem van Jaarsveld.

Kapt. Paul Ramaloko, woordvoerder van die Valke, het gesê die saak is tot 29 September uitgestel wanneer die verdagtes om borgtog sal aansoek doen. Hulle bly in aanhouding. Wilkinson het die hooggeregshof in Pretoria Saterdag om ʼn dringende borgaansoek genader, maar was onsuksesvol.

Die Valke het die verdagtes Vrydag in hegtenis geneem. Hugo Ras, wat glo die sindikaat se aktiwiteite vir sowat vyf jaar lank bestuur het, is Vrydag by die Pretoria-Noord-landdroshof in hegtenis geneem waar hy op ʼn afsonderlike klag sou verskyn het. Die ander verdagtes is dieselfde tyd in Polokwane in Limpopo, Ficksburg in die Vrystaat, Potchefstroom in Noordwes en in Montana, Mamelodi en Kameeldrift in Gauteng in hegtenis geneem.

Die sindikaat was hoofsaaklik in Limpopo, Mpumalanga, Noordwes, Gauteng en KwaZulu-Natal aktief. Die verdagtes word daarvan beskuldig dat hulle betrokke was by die stroop van 22 renosters tussen 2008 en 2012. “Die sindikaat het glo 84 renosterhorings bekom en 22 renosters doodgemaak ter waarde van nagenoeg R22 miljoen,” het Ramaloko gesê.

“Die span sal voortgaan om hierdie tipe van sindikate oop te vlek,” het lt.genl. Anwa Dramat, die nasionale hoof van die Valke, gesê. “Hulle het geen simpatie teenoor ons reeds bedreigde spesies nie. Dit is duidelik dat hulle geen agting vir die oppergesag van die reg het nie.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

23 Kommentare

jongste oudste gewildste
Ian

Pragtig!

SNEL

Skandelik om daar so te staan, man, sy broers en vrou, julle lae gemors!!!!! Ek sal skaam kry om deel te wees van so sindikaat en om daar te staan en verantwoordelik te wees vir die uitroei van ons pragtige renosters. Ek hoop regtig hulle sit vir ewig. Dis soos n dolk in my hart as ek elke keer moet lees n renoster is weer vermoor vir sy horing. Hoop elke sindikaat word vasgetrek en dat ons renosters se getalle weer kan klim en dat hulle net kan wei en lewe. Hoop julle sit en vrot in die tronk, Pappa… Lees meer »

Zia

Kan nie glo van die mense is Suid-Afrikaaners nie en ook nog mense met goeie en hoe poste. Hoop hulle kry skaam en sit lank!

charmaine

Dat ‘n mens jou lewe so kan opmors net omdat gierigheid jou baas is. Dit is nou mense die wat hard geleer en gewerk het vir hulle kwalifikasies en beroepe en nou niks het nie.Slim mense kan ook maar dom wees!!!!

Saffy

Naam en dan Skaam, ek is so bly ons kan sien hoe hierdie gemors lyk