‘n Skermskoot van die video op sosiale media.
Tien gewapende verdagtes het Donderdagoggend op ’n juwelierswinkel in ’n winkelsentrum in Westville buite Durban toegeslaan.
Geen skote is tydens die rooftog afgevuur nie. Die verdagtes het wel winkelpersoneel oorval en juwele en koopbewyse gebuit voordat hulle in ’n wegkommotor op die vlug geslaan het.
Konst. Thenjiswa Ngcobo, polisiewoordvoerder, sê die rooftog het hom omstreeks 10:00 afgespeel.
Die verdagtes het ná die voorval in die rigting van KwaDabeka gevlug en is in dié stadium steeds soek.
’n Video van die voorval waarin geskokte ooggetuies toekyk hoe die rowers die winkel plunder voordat hulle weghardloop het intussen die lig op sosiale media gesien. Dit blyk uit die video duidelik dat ’n veiligheidswag op die voorval gereageer het. Die wag kon egter nie daarin slaag om die mans te stuit nie en kom ná die rooftog leë hande uit die winkel geloop.
Ngcobo sê die saak word ondersoek.
Welkom by Sodom en Gommora. Wie moet ons bedank dat die land in ‘n misdaad nes verval het? ANC REGERING
Die nuwe modus operandi …
Die verdagtes weet dat Hoedeman se trotse Sapd nie in staat is om hul te stuit nie.
Dit is net die begin .
Ongewapende veiligheidswagte(kan ook gevaarlik wees) asook swak opleiding om sulke krisis situasies te hanteer maak die mense nutteloos! Nuwe strategieë teen sulke rowers nodig
ANC het geld nodig om vir die plakkate te betaal na n hofbevel.
Dit gaan nou baie gebeur met die swaar tye waarin ons leef en die afwesigheid van regte wetstoepassing in die piesang republiek.