Argieffoto (Foto: memyselfaneye, Pixabay)
ʼn Tienermeisie is Maandagoggend ernstig beseer in ʼn tref-en-trap-voorval wat in die Sea View-woonbuurt in Durban plaasgevind het. Die voertuig het weggery sonder om stil te hou.
Nqobile Gwala, woordvoerder van die polisie, sê die voertuig het die 13-jarige meisie getref nadat die bestuurder deur ʼn rooi verkeerslig op die hoek van Sarnia- en Sea View-weg gery het. Die voorval het omstreeks 07:00 plaasgevind.
Garrith Jamieson, woordvoerder van Als Paramedics-nooddienste, sê met paramedici se aankoms op die toneel het hulle die meisie in ʼn kritieke toestand in die pad aangetref.
Sy is op die toneel gestabiliseer voordat sy na ʼn hospitaal in Durban geneem is vir verdere mediese behandeling.
Die polisie in Bellair ondersoek ʼn saak van roekelose en nalatige bestuur.
Hoekom nie poging tot moord nie? Die feit dat die persoon weggejaag het moet dit poging tot moord wees!!
Roekeloos en nalagtige bestuur se …
Dit is poging tot moord!
Dit is eenvoudig skrikwekkend om te sien hoe baie mense die padreël net eenvoudig verontagsaam, want as hulle daarmee kan wegkom, hoekom dan nie ek nie. SA is baie laks waar die wetstoepassing daarvan vorendag kom.
Ek stem saam hierdie is veel eerder poging tot moord.
Sterkte aan die gesin van daardie arme kind
As mense met groter misdade wekom sal die kleiner misdaad/oortredings dieselfde pad volg die meerderheid mense sal die toelaatbare gedrag tot die maksimum druk, geregtelike onbevoegdheid het n uitwerking op alle vlakke van die samelewing.