Tiener se ontbinde liggaam gevind

polisie-huisroof-crime

Argieffoto: SAPD/Facebook

Die erg ontbinde liggaam van ʼn 17-jarige meisie is Woensdag in ʼn oop veld naby Coligny in Noordwes aangetref.

Maj. Pelonomi Makau, provinsiale polisiewoordvoerder, het Donderdag gesê inwoners van die Tlhabologang-township het die gru-fonds gemaak.

“Die tiener is twee weke voordat haar liggaam gevind is, as vermis aangemeld,” het Makau gesê.

Die meisie se regterarm was afgesny, vel is van haar bobeen verwyder, haar geslagsdele is uitgesny en haar keel is afgesny.

Makau het gesê die polisie kan nog nie in die stadium bevestig of haar dood ʼn moetie-moord is nie. “ʼn Nadoodse ondersoek gaan gedoen word om dit te bepaal. Die voorval word ondersoek,” het Makau gesê.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

10 Kommentare

jongste oudste gewildste
Milan Bye

Dis baie erg! Ek hoop nie sy het gelewe terwyl hulle die dele afgesny het nie. Sjoe!

Rudi

Eks nie n Teoloog nie, maar dit wat die afgelope paar dae, weke en maande gebeur hier in Suid-Afrika is te doen met demoniese houvas op die mensdom. Ons woede teen die mense wat die dade doen, vuur net die satan se krag aan. As dit nie demonies is nie, weet ek nie wat is demonies dan nie! Die mens kan nie vanselfsprekend so wreedaardig wees nie, geen babatjie, ongeag sy/haar velkleur of kultuur kan so gebore word nie, dis n demoniese greep wat die mens aangryp en hom/haar verander om so wreed te word, die mensdom gee hulself oor… Lees meer »

MUys

Mense is SIEK

Martie

Dit is vreeslik ek sal graag wil sien dat jongmense wat so wegloop van die huis af die berig moet sien hoe maklik dit deesdae is om iemand te laat verdwyn.Geen probleem is so groot as om dit te bespreek nie.

Maronel

Coligny is maar soos enige ander plek. Elke dorp het sy goeie mense en elke dorp het sy slegte mense. In elke dorp is daar daagliks moorde… En van elke dorp vlug die mense oorsee en elke dorp se mense soek maar “bossies” met skelmpies. Maar wat het die plek nou te doen met die moord. ..