ʼn Tiener (17) is Sondagoggend dood aan hartstilstand ná hy in die bors gesteek is met ʼn skroewedraaier.
Chris Botha, woordvoerder vir Netcare 911, het gesê hul paramedici is omstreeks 00:49 ontbied. Die voorval het in Yeostraat in Bellevue-Oos in Johannesburg plaasgevind.
“Dit blyk dat die seun uitgegaan het saam met vriende en toe in die bors gesteek is met die skroewedraaier. Die vriende het hom huis toe geneem en ʼn ambulans ontbied,” het Botha gesê.
Die presiese omstandighede rakende die voorval sal deel uitmaak van die polisie se ondersoek.
“Toe paramedici op die toneel opdaag, het hulle besef dit is ʼn geval van hartstilstand. Daar is onmiddellik met hartmassering begin, maar die seun is ongelukkig op die toneel dood verklaar,” het Botha gesê.
Sjoe dis darem verskriklik. Sterkte aan die familie.
Suid Afrika is n land waar niemand veilig is nie. Dis vir my die belangrike en wat moet verander. Victim blaming lewer geen bydrae nie en gaan nie keer dat dit weer gebeur nie.
Dit kom weereens neer dat van die mense van hierdie land het alle dissipline verloor en het geen vrees meer vir die nagevolge van hul dade nie en dit oor ons regering het wat net hulself wil verryk en korrupsie aanvaarbaar is
In ons liewe Suid Afrika is jou lewe minder werd as ‘ n mosie van wantroue in Zuma