Tiener sterf, talle in hospitaal na ‘hallusinasies’ by skool

skool klaskamer skoolhoof

Argieffoto

ʼn Tienermeisie is dood en 17 ander in die hospitaal opgeneem nadat ʼn raaiselsiekte glo “massahisterie en hallusinasies” by ʼn skool in Mqanduli in die Oos-Kaap veroorsaak het.

Die Oos-Kaapse departement van gesondheid het gesê die leerders het in rye gestaan vir klasse by Bhekizizwe School in die Nothintwa-nedersetting toe hulle “deur hallusinasies na aanleiding van vrees oorval is”.

Sizwe Kupelo, woordvoerder van die departement, het gesê die histerie onder die meisies is vermoedelik deur ʼn “raaiselagtige siekte” veroorsaak. Hy het gesê hoewel sulke voorvalle van tyd tot tyd in die provinsie gebeur, is dit die eerste keer dat iemand gesterf het daarvan. Volgens Kupelo sluit die simptome van die siekte in dat die leerders “stemme gehoor en visioene gehad het”.

Nadat daar histerie onder die leerders uitgebreek het, is die skool vir die dag gesluit en al 520 leerders is huis toe gestuur.

Thembinkosi Tshemese, die skoolhoof, het aan African News Agency (ANA) gesê die drama het begin toe ʼn graad 8-leerder in die ry inmekaargesak het. “Sy kon nie asemhaal nie en is na ʼn nabygeleë kliniek geneem, maar met haar aankoms het die verpleegsters gesê sy is oorlede,” het Tshemese gesê.

ʼn Ontstelde Tshemese het die chaotiese toneel by die skool beskryf en gesê 17 ander leerders is na die kliniek gehaas of deur ambulanse na ʼn hospitaal geneem. “Die meisies het histeries gehuil. Sommige, omtrent 10 van hulle, moes na ʼn hospitaal geneem word en op ʼn drip geplaas word.”

Hy het bevestig dat die adjunkhoof by die skool, Pinky Mkwamba, ook deur die “raaiselagtige siekte” aangetas is en tans in die hospitaal behandel word.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

18 Kommentare

jongste oudste gewildste
Jennifer

Hulle het verseker iets ingeneem, en die voorval word gebruik om hul geloof in towery te versterk.

Melt Olckers

Gewoonlik gebeur dit omdat ouer kinders die jonger kinders bang praat oor iets. Dit word gedoen om die skool te ontwrig en ‘n toets te onduik. Daar was jare terug die geval van die storie van die tokolossie in die toilette wat meisies se broekies wil steel. Meisies was skoon bang om toilet toe te gaan en massa histerie het uitgebreek. Gebuer veral baie in Zimbabwe.

Johann

Waas die naaste toordokter en sy doepa? Net meisies? Kom gereeld voor? Onnie ook? ? ? ? ? ? ? ? ? ? ? Gaan nou seker n hospitaal bou vir “vreemde siektes”….

Beertjie

Ek sal nie alles aan heksery ens toeskryf nie. Daar is plante o.a soos magic mushrooms wat deur die groep ge-eet kon gewees het as ‘n “dare” wat hallusinasies ens veroorsaak.

Emile

Klink na iets uit die Salem witch trials.