ʼn 14-jarige seun is Vrydag op ʼn trein naby Warner Beach in Amanzimtoti, KwaZulu-Natal, beroof en toe afgestamp.
“Die pasiënt het aan paramedici gesê hy is beroof voordat hy van die bewegende trein afgestamp is,” het Russel Meiring, woordvoerder van ER24, gesê. Hy het geringe beserings opgedoen. Hy is na ʼn hospitaal in Umlazi, suid van Durban, geneem.
Hy is glo van ʼn sak en ʼn selfoon beroof. -SAPA