Tiener vas oor bylmoord

Argieffoto

Argieffoto

ʼn 15-jarige seun is in Butterworth in die Oos-Kaap in hegtenis geneem nadat hy glo ʼn ander tiener tydens ʼn stryery met ʼn byl vermoor het.

“Die twee het Donderdag ʼn tradisionele seremonie in Zingqayi bygewoon,” het kapt. Jackson Manatha, woordvoerder van die polisie, Saterdag gesê. “Hulle het mekaar begin terg toe hulle omstreeks 18:00 die seremonie verlaat het. Een van die seuns is huis toe om ʼn byl te gaan haal.” Hy het glo teruggekeer en die tiener, ook 15 jaar oud, aangeval.

Die slagoffer is hospitaal toe geneem waar hy met sy aankoms dood verklaar is.

“Die tiener sal Maandag in die Butterworth-landdroshof verskyn op aanklag van moord,” het Manatha bygevoeg.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Een kommentaar

kerneels van schalkwyk ·

Hoekom moet iemand altyd n ander leed aan doen wat somtyds tot die dood ly. Sulke mense is barbare.

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.