Tiener vas wat kêrel versteek

Argieffoto

ʼn Vrystaatse tiener is in hegtenis geneem nadat sy vir haar vriend wat uit aanhouding ontsnap het, beskerming teen die polisie help bied het.

Kapt. Stephen Thakeng, woordvoerder van die polisie, het gesê die polisie het op 23 Julie ʼn wenk ontvang dat die verdagte wat ontsnap het hom glo in ʼn huis in Monyakeng in Wesselsbron bevind.

Die polisie is na die huis waar hulle die 17-jarige meisie aangetref het. Die meisie het glo aan die polisie gesê sy is alleen tuis.

Volgens Thakeng het beamptes die huis deursoek en die ontsnapte verdagte in die huis aangetref.

“Hy is aangekla van ontsnapping uit aanhouding en die meisie van dwarsboming van die gereg.”

Die ontsnapte verdagte moet op 11 Augustus in die hof verskyn. Daar is aanbeveel dat die tienermeisie ʼn afwentelingsprogram voltooi.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae