Gordonsbaai Foto: The Equinist
ʼn Tiener het Vrydag in die see by Gordonsbaai verdwyn, het die Nasionale Seereddingsinstituut (NSRI) gesê.
“Ondanks ʼn omvattende lug-, see- en kuslynsoektog was daar geen teken van die 18-jarige van Eersterivier nie,” het die woordvoerder van die NSRI gesê.
Berigte dat ʼn 14-jarige tydens dieselfde voorval ook in die see verdwyn het kan nie bevestig word nie, aangesien geen familielede nog na vore gekom het om haar as vermis aan te meld nie.
Die polisie se duikeenheid het die soektog na die 18-jarige oorgeneem en die soektog hervat Saterdag.
