Argieffoto: NSRI
ʼn Volskaalse soektog is van stapel gestuur na ʼn 15-jarige seun wat Sondag in die see by Richardsbaai in KwaZulu-Natal verdwyn het.
“Daar is nog geen teken van die tiener nie,” het Craig Lambinon, woordvoerder van die Nasionale Seereddingsinstituut (NSRI), gesê. “Die polisie se duikeenheid gaan voort met die soektog.”
Die seun het na bewering verdwyn toe hy gaan swem het in die omgewing waar ʼn doopseremonie gehou is. Hy is vermoedelik deur ʼn systroom meegesleur.
