Twee tieners is Dinsdagaand in Kaapstad geskiet en gewond.
Robert Daniels, ʼn woordvoerder van die Wes-Kaapse nooddienste, het gesê die skietery het omstreeks 19:00 in Bonteheuwel plaasgevind.
“Die rede vir die skietery is nog onbekend en word deur die polisie ondersoek,” het hy gesê.
Die tieners, onderskeidelik 15 en 16 jaar oud, is deur die nooddienste na ʼn nabygeleë hospitaal gehaas. Hul toestand is onbekend.