Tienerseun verdrink by Kaapse strand

strand_sand_golwe_pixabay.jpg

Argieffoto: pixabay.com

ʼn Tienerseun het Sondag by Monwabisi-strand in Kaapstad in die see verdrink.

Craig Lambinon, woordvoerder van die Nasionale Seereddingsinstituut (NSRI), het gesê die NSRI se Strandfontein-bemanning is omstreeks 17:10 na die strand ontbied. Twee vaartuie, reddingswemmers sowel as ʼn helikopter was op die toneel.

“’n Soektog is onmiddellik van stapel gestuur na ʼn 17-jarige seun wat onder die water verdwyn het terwyl hy saam met sy broer geswem het.” Volgens Lambinon is die seun se liggaam in die water gekry en na die strand gebring.

“Paramedici het hom op die strand behandel maar sonder sukses en hy is op die toneel dood verklaar. Die seun se gesin is deur die provinsiale nooddienste na ʼn nabygeleë polisiestasie geneem waar hulle traumabehandeling ontvang het.”

Die polisie het ʼn geregtelike doodsondersoek begin.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.