Drie seuns van ʼn hoërskool in Johannesburg is Dinsdag beseer toe hulle glo tydens ʼn geveg by die skool met ʼn skerp voorwerp gesteek is.
Athlenda Mathe, woordvoerder van Netcare 911, het gesê die ambulansdienste is na die skool in Highlands North ontbied nadat die drie leerders “oppervlakkige steekwonde” opgedoen het.
“Daar word beweer dat daar ʼn geveg tussen ʼn groep seuns by die skool uitgebreek het en dat die drie seuns tydens die geveg beseer is,” het Mathe gesê.
Mathe het gesê die seuns is by die skool behandel en dit was nie nodig dat hulle gehospitaliseer hoef te word nie.
Konst. Thabo Malatjie, polisiewoordvoerder, het aan Maroela Media gesê die voorval is nog nie by die polisie aangemeld nie.
Maroela Media het navraag by die Gautengse departement van onderwys gedoen en wag nog vir terugvoer. Lees die opvolgberig hier.
Ek hoop nie die geweld by die Universiteite spoel nou oor na ons skole nie.
Onthou ons is in ‘n REWOLISIE.
Wat verwag die mense skole gebeur in ‘n Rewolisie?