ʼn Tienjarige kind is dood en vyf volwassenes beseer toe ʼn Toyota Avanza Sondagaand met ʼn afleweringsvoertuig in Krugersdorp gebots het. Die drie insittendes van die trok het toe glo van die toneel gevlug.
Ross Campbell, woordvoerder van ER24, sê die ongeluk het net voor 20:00 plaasgevind. “By paramedici se aankoms op die toneel het ons meeste van die volwassenes buite die voertuig aangetref. Hulle is klaarblyklik uit die voertuig geslinger. Die kind, ʼn meisie, was nog in die voertuig, maar het geen tekens van lewe getoon nie.”
Twee volwasse mans, glo in hul 20’s, is ook ernstig beseer en moes lewensondersteunende behandeling op die toneel kry voordat hulle na ʼn hospitaal vervoer is. Die drie ander volwassenes het matige tot geringe beserings opgedoen en is almal op die toneel behandel voordat hulle deur ander ambulansdienste na hospitale vervoer is.
Volgens Campbell het die drie insittendes van die trok ná die ongeluk van die toneel gevlug. “Die metropolisie was op die toneel om die ongeluk verder te ondersoek.”
Ek, soos menige ander, het my deel ondervind om n kind in n “bodybag” , te sit…. Net Hartseer…. al het jy daardie kind nie eens geken nie.
Sterkte aan die Familie.
so dan was die aflwerings voertuig seker van n maatskappy? hulle kan mos so die drywer van die voertuig kry?
Toemaar hulle sal gevind word, “you can run, but you can’t hide. My innigge simpatie met die dogtertjie se afsterwe.