Tientalle beseer toe trein, instampmasjien bots

Foto: Verskaf

Minstens 57 mense is beseer, waaronder 14 ernstig, toe ʼn Transnet-instampmasjien en ʼn nuwe Metrorail-trein Saterdagaand in Mamelodi, in die noordooste van Pretoria, gebots het.

Die instampmasjien was besig met spoorinstandhouding toe dit by die Eerste Fabrieke-stasie teen die trein gebots het.

Volgens Metrorail het die treindrywer die instampmasjien sien aankom en die sowat 300 passasiers op die trein versoek om die trein te verlaat.

Die passasiers het glo geweier en die noodalarm geaktiveer wat veroorsaak het dat die trein nie kon beweeg nie waarna die instampmasjien teen die trein gebots het.

Die beseerde passasiers is na die Steve Biko- akademiese en Tshwane-distrikshospitaal vervoer vir mediese behandeling.

Die botsing het daartoe gelei dat die treindiens tussen Pienaarspoort en Pretoria gestaak is.

Volgens Metrorail sal ʼn raad van ondersoek binnekort aangestel word om die oorsaak van die botsing te ondersoek.

 

 

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

28 Kommentare

jongste oudste gewildste
Realis

As jy nie wil hoor nie, moet jy voel…

Thelsa

Passasiers weier om gehoor te gee aan veiligheidsinstrukies ?
Hospitaal hier kom julle.

Sarie

Wonder waar was die bestuurder van die impakmasjien. Seker op ‘lunch’.

Sarie

Jammer …. instampmasjien…..

Kader X

Onbevoegdheid op sy beste! Geen verskoning sal help nie. Die instampmasjien was seker op die verkeerde tyd op die verkeerde plek! Weereens miljoene se skade vir belastingbetalers om te betaal.