Timol-saak: Oudpolisieman misluk weer met aansoek

Joao “Jan” Rodrigues in die hof. (Foto: Itumeleng English/ANA)

Joao “Jan” Rodrigues (80), die voormalige veiligheidspolisielid wat vervolg word in verband met die dood van die apartheidsaktivis Ahmed Timol, se hernude poging om sy vervolging permanent te staak, het weer misluk.

Rodrigues se aanvanklike aansoek om sy vervolging permanent te staak is verlede jaar ingedien en in Junie in die hooggeregshof in Johannesburg van die hand gewys. Hy het hierna teen die beslissing geappelleer.

“Hierdie is ʼn betekenisvolle oorwinning, nie net vir Ahmed Timol se oorlede ouers nie, maar al die slagoffers van apartheidsera‑misdade,” het Imtiaz Cajee, ʼn neef van Timol, gesê.

Rodrigues het aangevoer die hof het die verkeerde rigting ingeslaan deur 47 jaar na die voorval strafregtelike stappe teen hom in te stel, wat volgens hom inbreuk maak op sy reg op ’n regverdige verhoor.

Hy het ook aangevoer die regter het nie die doelbewuste politieke inmenging op die hoogste politieke vlak oorweeg nie, wat die wesenlike vertraging veroorsaak het.

Sy regsverteenwoordiger meen dit sou onbillik wees om Rodrigues te verhoor omdat die twee polisiemanne wat hom alleen saam met Timol in die vertrek agtergelaat het, dood is en dus nie kan getuig nie.

Timol was 29 jaar oud toe hy in Oktober 1971 in Johannesburg in hegtenis geneem is. Hy is vyf dae later dood.

Rodrigues is die laaste persoon wat Timol lewend gesien het. Sy getuienis was die kern van die ondersoek in 1972 wat bevind het Timol het sy eie lewe geneem toe hy van die tiende verdieping van die John Vorster-pleingebou in Johannesburg gespring het.

Timol se familie het egter geweier om dié verduideliking vir sy dood te aanvaar en die uitspraak is in Oktober 2017 deur ʼn hof omgekeer ná ʼn lang veldtog deur sy familie. Daar is toe bevind dat hy vermoor is. Rodrigues is in Julie verlede jaar van die moord aangekla.

Die saak is tot 28 September uitgestel.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

33 Kommentare

jongste oudste gewildste
Lood Kurkprop

.
.
Wees eerder bekommerd oor die REGTER wat vir jou wag in die volgende dimensie.
.
.

barend v d westhuizen

dit is n saak wat geld mors is die man is 80 jaar oud hom n die tronk sit ha ha waar om is dit gelos 47 jaar en nou wil hulle hom verhoor wat van al daar die laf hardige bom planters / tyre om mense sit en brand seek wanneer gaan hulle ook verhoor word waar om was die man dan nie 20 jaar trug verhoor nie

Heksie

Die arme man is stok oud, loop met behulp van ‘n kurk maar julle wil nou aanhou met jul gekarring. Hy het buitendien net opgetree volgens instruksies van “bo” en dié wat daar “bo” gesit het, is ook nou al lang bome toe. So hoekom moet hy nou alleen pa staan.

AndrewL

Dis wat gebeur as “vryheidsvegters” se vryheid beperk word, dan moet menseregte die enigste maatstaf word.

Anne-Marie

Dis nou so tipes SA regering…..ons sal NOOIT vooruit kan gaan nie, hulle slaan kamp op in die verlede, en daar sit hulle, beweeg aan…dis 47 jaar in die verlede….die wat nou die grootste lawaai maak, was nie eers 47 jaar terug daar nie!!!! Eish mense, daar is groter probleme nou….47 jaar later…!!!!