TLU SA maak reg vir hofsaak oor onteiening sonder vergoeding

landbou-mielies-pexels

(Foto: Pexels/Pixabay.com)

Die landbouorganisasie TLU SA sê hy maak gereed vir ʼn hofstryd oor die regering se omstrede plan van onteiening sonder vergoeding. Dit kom ná samesprekings met die parlement se ad hoc-komitee om voorstelle in te dien oor hoe art. 25 van die Grondwet – wat handel oor onteiening sonder vergoeding – gewysig moet word.

“Dit is duidelik dat die komitee se fokus uitsluitlik is op hóé die wet gewysig moet word en nie wat die gevolge van die wysigings sal wees nie,” het Louis Meintjes, president van TLU SA, gesê.

“Enige insette van belanghebbende rolspelers wat landbouers verteenwoordig, is telkens eenvoudig afgemaak as irrelevant.

“Dit is uiters kommerwekkend dat aspekte soos gevolge op die ekonomie, beleggingsonsekerheid, graderings deur kredietagentskappe en die heel belangrikste, voedselsekerheid, geen gewig dra in hierdie proses nie. Die enigste saak van belang is dat grond onteien moet word ondanks meervuldige voorbeelde van hoe dit weens korrupsie, onkunde en gierigheid misluk het. Dit strek nie tot die voordeel van Suid-Afrika nie,” het hy gesê.

Die organisasie sê hy vertrou ook nie die “stoomroller-proses” wat gebruik word om die wysiging aan die parlement voor te lê nie. Die komitee het voorgestel dat ʼn konsepwet teen 27 November klaar geskryf word, waarna dit teen middel Desember en begin Januarie aanstaande jaar vir openbare kommentaar beskikbaar gestel moet word.

Openbare verhore volg dan in Februarie en op 20 Maart moet dit finaal by die komitee wees sodat dit op 31 Maart aan die parlement voorgelê kan word.

“TLU SA het reeds begin om op internasionale vlak en van internasionale regskenners aanbevelings in dié verband te ontvang en sal dit so spoedig moontlik bekend maak,” het Meintjes gesê.

“Dit is egter duidelik dat die komitee die proses as ʼn formaliteit beskou en dat die wysiging nou slegs deur gemeenskapsdruk en litigasie beveg kan word.

“Ons doen daarom ʼn beroep op Suid-Afrikaners wat besorg is oor die beskerming van landbou, voedselsekerheid en eiendomsreg om TLU SA se Eiendomsregfonds te ondersteun en te versterk vir die komende hofsake.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

21 Kommentare

jongste oudste gewildste
Feite

Regstelling van die onreg van die verlede kan volgens ANC ideologiese interpretasie, wat die howe en buitelandse mening insluit, slegs geskied deur wit bevoorregting weg te neem en te vervang met swart bevoorregting, aangesien wit kolonialisme nooit op die bevoorregting aanspraak kon maak nie. Dat die TLU hulself lelik gaan vasloop behoort dus vir niemand n verrassing te wees nie, maar ons bou mos sakeryke ipv wat die Skrif ons beveel om te doen!

KO

Sterkte TLU, net baie hartseer om te dink dat die boer was in beheer was sy eie grond 25 jaar terug.

Willem Grobler

Hulle wil witmense se grond vat sonder om vir dit te betaal. As jy dan hof toe gaan moet jy wéér betaal terwyl hulle met jou eie geld jou teenstaan. Klink dit regverdig? As ons almal nou dinge wat honderde jare terug gebeur het begin “regstel” is ons in die moeilikheid. Hoe gaan die grondeisers die witmense vergoed vir al die infrastruktuur, industrieë ens ens wat die kolonialiste hier opgerig het? O, jammer. Ek het vergeet mens mag dit nie sê nie. Dis ‘n kwade dag as mens nie meer die waarheid mag aanvoer as ‘n teenargument nie…

sannie

Feite – so wat is jou oplossing?

aj

Die 1994 grondwet was ‘n vredesSKIKKING (ooreenkoms) wat beding is tussen strydende groepe in die “oorlog” ! Die beplande eensydig verandering in die grondwet impliseer dat die ANC die SKIKKING wil verbreek en die land terugsleep na die pre 1994 “oorlog” toestand. Die ANC bewys homself daardeur as ‘n ONBETROUBARE party in onderhandeling en oneerlik in die honorering van skikkingsooreenkomste. Met dié oneervolle daad maak die ANC ook die bydrae van Nelson Mandela tot niet. Die res van die wêreld behoort hiervan kennis te dra en dringende internasionale aksies in te stel om die onbetroubare ANC te straf. Hopelik inisieer… Lees meer »