TLU SA wil hoor oor Mngxitama se vervolging

Andile Mngxitama, president van die BLF. Foto: ANA.

TLU SA het ʼn dringende versoek gerig aan die Nasionale Direkteur van Openbare Vervolging, adv. Shamila Batohi, om uitsluitsel te gee of die leier van Black First Land First (BLF), Andile Mngxitama, wel vervolg gaan word.

TLU SA het op 11 Desember 2018 ʼn klag van haatspraak teen Mngxitama by die polisie aanhangig gemaak. Hy het die vorige dag in Potchefstroom, Noordwes tydens ʼn openbare byeenkoms voor ʼn groot gehoor gedreig om vyf wit mense dood te maak vir elke een swart persoon wat doodgemaak word. Hy het voortgegaan om vroue en kinders te dreig: “We will kill their children, we will kill their women, we will kill anything we find on our way”.

“Ons het tot dusver nog geen terugvoer gekry oor waar die saak staan nie,” sê Louis Meintjies, president van TLU SA. “Ná verskeie oproepe en e-posse het ons op 26 Februarie per hand ʼn brief afgelewer by die NVG se kantore. Ontvangs daarvan is deur adv. E Matzke namens die adjunk-direkteur van Openbare Vervolging erken en sy het onderneem om ‘binne twee dae’ terugvoer te gee. Ons het nog steeds niks gehoor nie.”

Klagtes is ook deur verskeie groepe by die Onafhanklike Verkiesingskommissie (OVK) aanhangig gemaak om die BLF se registrasie as politieke party terug te trek. Die OVK se Gedragskode verbied politieke partye wat aan die verkiesing deelneem om, onder andere, taal te gebruik wat geweld uitlok en stemmers te intimideer.

Die OVK het egter gesê dat dié reël nog nie geld nie omdat dit nie ʼn binne ʼn verkiesingstyd val nie.

Mngxitama het dit vandeesweek tydens die BLF se registrasie vir die verkiesing by die OVK se kantore duidelik gemaak dat wit mense nie welkom is in sy party nie (kyk gerus hierdie video).

“Dié soort haatspraak wat gedurig uit sy mond kom, is uiters opswepend en is dikwels die vonk in die kruitvat wat lei tot gewelddadige aanvalle en selfs moord op plase,” sê Meintjies. “Die NVG faal liederlik in sy taak om ʼn haatspreker soos Andile Mngxitama te vervolg. Hy kom letterlik weg met moord.”

TLU SA doen ʼn beroep op die publiek om druk toe te pas op die NVG se Batohi om hom wel te vervolg.

TLU SA het ʼn petisie van stapel gestuur wat die publiek kan onderteken om druk toe te pas op die NVG om Mngxitama te vervolg.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

31 Kommentare

jongste oudste gewildste
Piet Lourens

Moenie julle asem ophou nie. Niks gaan gebeur nie.
Laat Gerrie Nel die saak hanteer.

Martie

Stel jou voor hoe vinnig gaan ñ blanke wat soortgelyke uitlatings maak gearresteer en gevonnes word. Hierdie vieslike haatdraende skepsel behoort geen vryheid te geniet nie.

CallieL

Sy voorvaders laat hom mos al die dinge kwytraak of praat deur hom. Hoe kan Christene hom nou aanspreek. Dan dink aan die intelektuele vlak waarop die is wat vir hom stem.

Piet

Stel privaatvervolging in

HPV

6% malema doen dieselfde en mag aan die verkiesing deelneem. Hierdie doelbewuste aanhitsing tot geweld teen ander groepe behoort deur ‘n regsgeleerde ter kennisname voor die wêreldhof gelê te word. Of gaan ons wag tot ‘n tweede Rwanda eers hier gebeur.