Toename in plaasaanvalle – strafmaatreëls ontoereikend

Argieffoto

Die mees onlangse plaasaanval buite Jagersfontein in die Vrystaat, waartydens Kyle Stols (22) vermoor is, bewys dat die regering se landelike beveiligingsplan faal en die strafmaatreëls wat op hierdie misdadigers toegepas word, nie ʼn voldoende afskrikmiddel is nie, het Jan van Niekerk, leier van die VF Plus in die Vrystaat, gesê.

“Buiten die feit dat misdaad oor die algemeen en plaasaanvalle in besonder deur die VF Plus en ander organisasies onder die aandag van die internasionale gemeenskap gebring word, sal alle plaaslike burgerlike organisasies, politieke partye en ander belangegroepe moet hande vat om hierdie yslike probleem daadwerklik aan te spreek,” het hy bygevoeg. “Daar word letterlik jag gemaak op ons landbougemeenskap. Dit is ʼn bose en onaanvaarbare stand van sake.

“Die VF Plus is in die proses om samesprekings met sleutelorganisasies in die landboubedryf te hou ten einde boere en hul werknemers te help deur die nodige bystand te bied sodat hul hulself weerbaar kan maak teen sodanige boosdoeners,” aldus Van Niekerk. Die inisiatief sluit onder meer selfverdedigingsklasse in.

“Boere, hul gesinne en werknemers moet paraat wees. Hierdie booswigte hou gewoonlik hul teikens vir ʼn geruime tyd dop voordat hulle toeslaan. Hulle is voorbereid op wat kom, terwyl die slagoffers niksvermoedend aangeval word. Die landbougemeenskap moet in staat gestel word om ook in ʼn oomblik te kan reageer om hulself binne die perke van die wet te verdedig.

“Die VF Plus spreek sy medelye uit met Kyle se geliefdes in hierdie moeilike tyd en sal alle moontlike druk op die polisie uitoefen om te verseker dat sy moordenaars so spoedig moontlik gevang en uit die samelewing verwyder word.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

25 Kommentare

jongste oudste gewildste
Leahim

Die polisie moet die blaam vat hulle doen nie hulle werk nie hulle weet van die plaasaanvalle ek het vandag gehoor dat daar konstabels is wat doktorsgrade het maar geen aksie of plan om hierdie misdaad hok te slaan hulle is te bang om die probleem te identifiseer hoe gaan hulle dit bekamp.Die boere sal hulle eie veiligheid moet verseker hoekom ons moet belasting betaal vir n diens wat ons nie kry nie gaan my verstand te bowe.

Andre

Witmens jy staan alleen!
Bewapen en verdedig jouself!
Of gaan onder ….!
Dis al!

Carl

Met groot vesigtigheid se ek die volgende: -Die slagoffer is gewoonlik eerste by die misdaad toneel en nie SAPS of die sekuriteits dienste nie. -Ons is verantwoordelik vir ons eie veiligheid. Indien ons dit wil kontrakteer na n derde party kan mens net wag dat hulp opdaag wat te laat kan wees. -Leer wat se die wet mbt tot selfvedediging. -Bly binne die wet. -Wees paraat , lees, leer en oefen om gereed te wees vir n aanval. -Ons is nog bevoorreg om n wapen wettig te mag besit. Gebruik jou voorreg en behou jou wapen of kry een en… Lees meer »

Cherokee

Ironies die woorde ‘binne die perke van die wet te verdedig’ terwyl hulle perkeloos aangeval word.

Lynn

Ons lees van plaasmoorde, so baie, maar wanneer word die moordenaars gearresreer? hoor ons van vonnisse? ‘n Jong lewe is geneem! Haal dit voorblad nuus, media outrage soos met doodskis geval? Ja, ons is op ons eie. In die minderheid en word gejag. Mag God ons help. Wees wakker wit mense, boere afrikaners. Ons is in guerilla oorlog!