Toergroep in Khayelitsha beroof

(Argieffoto)

Die Wes-Kaapse polisie het beveel dat sy 72-uur-aktiveringsplan in werking gestel word ná 11 toeriste Vrydag in Khayelitsha beroof is.

“Die groep het ʼn tuinbouprojek besoek toe hulle gedreig en van hul kameras, selfone en beursies beroof is,” het brig. Novela Potelwa, polisiewoordvoerder, gesê.

“Hulle was in die gebied saam met ʼn plaaslike toergids toe vyf gewapende mans die perseel van die skool wat hulle besoek het, binnegekom het. Die verdagtes, wat glimbaadjies aangehad het, het die groep in hul voertuig ingedwing en beroof.”

Niemand is tydens die voorval beseer nie.

Speurders het die toeriste later in hul hotel besoek en daar verklarings afgeneem. Beradingsdienste is ook vir hulle aangebied.

Niemand is nog in verband met die voorval aangekeer nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

37 Kommentare

jongste oudste gewildste
Lollie

Kry vir julle! Ons wat hier bly kla hieroor dan dink julle oor ons wit is ons vererger alles.
Eerstehandse ondervinding bly maar die beste. Glo seker maar aan sien is glo.

Michael P

Wat gaan soek hulle daar dit is selfmoord om daar in te gaan ons het juis al ons projekte daar gestaak.net nie meer veilig nie.Hulle kan bly wees hulle is net beroof en nie vermoor nie.

Marous

Beradering? Wat se spul gekke regeer die land?

Henk

Welkom in die nuwe Suid-Afrika!

Ruben

Daars beter plekke om te toer laat dit n les wees