Toeris in Tafelberg Nasionale Park vermoor

Houtbaai, Kaapstad (Foto: Falco, Pixabay)

ʼn 25-jarige verdagte is in hegtenis geneem nadat ʼn toeris van die Oekraïne Saterdag in die Tafelberg Nasionale Park vermoor is.

Die 44-jarige toeris het Saterdagoggend in die park in Houtbaai gestap toe hy omstreeks 11:00 deur drie mans naby die Oos-Fort aangeval is.

Die toeris is met ʼn skerp voorwerp doodgesteek voor die verdagtes met sy rugsak met sy persoonlike besittings daarin op die vlug geslaan het.

Volgens lt.kol. Andrè Traut, woordvoerder van die polisie, het lede van die buurtwag een van die verdagtes vasgetrek en is van die gesteelde goedere in sy besit gevind. Die ander twee verdagtes is steeds soek.

Die verdagte wat in hegtenis geneem is, sal Maandag in die Wynberg-landdroshof verskyn.

 

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

35 Kommentare

jongste oudste gewildste
Rob stark

Welcome to sunny SOUTH AFRICA home of MURDER

Carharodon Carcharias

Daar word vir toeriste gelieg oor hul veiligheid in die land! Hul geld is welkom, maar hul lewe is niks werd nie! Vertel hulle van die sewe= en vyftig moorde per dag en kyk of hulle dan nog wil kom!

Tino

Dis maar dieselfde as ons lewens. Niks werd maar ons geld is reg.

Stuur die weermag in…!

Johan

Sal nie enige iemand aanraai om Suid Afrika te besoek nie. Inteendeel…

Pop

Van ons kinders woon in ander lande, en ons moet vir hulle gaan kuier, hulle weier om hulle voete met hulle kindertjies hier te sit. Almal kla maar die selfbeskikking form word nie geteken nie. Mense gaan doen dit.