Een van Kevin McDonald se foto’s van Tom Cruise in Hoedspruit. (Foto: Kevin McDonald)
Hoewel Kaapstad ’n gewilde bestemming vir internasionale rolprentvervaardigers is, blyk dit dat dit nou ander Suid-Afrikaanse provinsies se tyd te wees om die kollig te geniet.
Die bekende Hollywood-akteur Tom Cruise het inwoners van Ladysmith laat gons nadat hy verlede week in ʼn helikopter by dié dorp se vliegveld geland het.
Luidens mediaberigte het die Mission Impossible-akteur vinnig ʼn draai in die omgewing gemaak en daarna teruggekeer na die Drakensberge om verfilming vir die agste aflewering van dié lokettrefferreeks, wat gedeeltelik in Suid-Afrika verfilm word, voort te sit.
Cruise het vriendelik vanuit sy helikopter vir die groep plaaslike inwoners wat by die vliegveld bymekaargekom het, gewuif voor hy in die rigting van die berg gevlieg het.
Tom Cruise in Ladysmith
International celebrity, actor Tom Cruise, landed at Ladysmith Airfield this morning, 28 March…#Ladysmithherald #tabloidnewspapers #news #celebrity #actor #tomcruise #filming #SAhttps://t.co/Tec0aRCOfI pic.twitter.com/jKY7cMN0Tc
— claudine (@claudWaude) March 28, 2022
Plaaslike inwoners en amptenare is ook opgewonde oor die positiewe impak wat Cruise se besoek op die provinsie se ekonomie en toerisme kan hê.
Maroela Media het vroeër berig dat die 59-jarige akteur in Februarie by die Hoedspruit Wildlife Estate in Limpopo tuisgegaan het, waar hy ook inwoners se harte gesteel het. Gillian Soames, ʼn inwoner en amateurwildlewefotograaf van dié omgewing, het aan Maroela Media vertel dat Cruise se veiligheidspan aangenaam en vriendelik met inwoners was. Kevin McDonald, ook ʼn fotograaf en inwoner van dié dorp, het op Facebook geskryf dat Cruise se veiligheidswagte so gaaf was om hulle te laat weet voor sy helikopter sou land en aanhangers gewys het waar die beste plek was om hul staanplek te kry om Cruise te sien.
Skiet sommer die fliek met plaaslike akteurs wat in die parlement is. Genoeg ondervinding van kriminele aktiwiteite. Min toneelspel nodig.
Hy gaan ge”rob”word.
Ai tog, dit gee nou net weer die wonderlike ANC wesens inligting om toe te slaan op die arme man en sy span want dit is mos hoe dit in SA gedoen word.