Toti-vrou verdwyn spoorloos

Lorraine Bothma. Foto: verskaf.

Lorraine Bothma. Foto: verskaf.

Lorraine Bothma, ʼn 45-jarige vrou van Amanzimtoti in KwaZulu-Natal, word sedert 29 Maart vermis.

Lorraine se broer, Garth Bothma, het Dinsdag aan Maroela Media gesê sy is die aand omstreeks 22:00 vir die laaste keer gesien toe sy die Belavista-kuierplek in Warner Beach verlaat het.

“Sy sou ʼn vriend by sy huis in Amanzimtoti gaan aflaai het. Dié persoon beweer sy het hom afgelaai waarna niemand anders haar weer gesien het nie,” het Garth gesê.

Lorraine bly alleen op die dorp. Garth het ʼn vermiste persone- saak by die polisie aanhangig gemaak en ook ʼn private speurder aangestel om na haar te help soek.

Sy is die laaste keer in Garth se motor, ʼn oranje Kia Picanto gesien. Die motor se registrasienommer is ND 637359.

Dessie Rechner, stigter en direkteur van die Pink Ladies, ʼn organisasie wat hom daarop toespits om vermiste persone op te spoor, het ʼn beroep op mense gedoen om pamflette met inligting oor haar verdwyning op sosiale media te versprei, in die hoop dat iemand haar sal herken.

Mense met inligting oor waar Lorraine haar moontlik mag bevind, kan die Amanzimtoti-polisie by 031 913 1349 of die Pink Ladies by 072 214 7439 bel.

Lees die opvolgberig hier.

 

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

2 Kommentare

Leon ·

Epos die foto aan ons asb. Ons het n netwerk in Durban en sal help soek.
His Hands Mission

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.